Jeremaia 17:3 - Chuukese Bible

³ pwal won ekewe chuk lon ewe fanü. Iwe, üpwe föri pwe chon oputakemi repwe liapeni wöümi kana me ämi pisek mi aüchea meinisin, pun liwinin ämi tipis oua föriir lemenen unusen fanüemi.

Jeremaia 17:3 Iomraidhean Croise

2. King 24:13

o uwala ekewe pisek aüchea meinisin seni lon imwen ewe Samol mi Lapalap, pwal seni lon imwen ewe king. A ettätiu ekewe kolt meinisin seni pisekin lon imwen ewe Samol mi Lapalap, Salomon ewe kingen Israel a föriir, pun iei usun ewe Samol mi Lapalap a fen apasa.

Kölfel 78:58

Pun ra asonga Kot ren ar lenien fel won ekewe leni tekia, ra pwal föri pwe a lingeringeritiir ren ar kewe uluulun anü mi fal.

Aisea 27:9

Nge än chon Israel tipis epwe chök musala, are ra atai ekewe rongen uluulun anümwäl, pwe föür repwe wiliti pwül moromor, are ra pwal ataela ekewe uluulun ewe anüfefin Astarot, pwal ekewe rongen asoren ötüöt, pwe resap chüen nom.

Jeremaia 12:12

Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 15:13

Ewe Samol mi Lapalap a pwal üra, “Üpwe tinato chon oputen nei aramas, repwe uwala wöür me pisekir pwe liaper. Ei epwe fis pokiten ar kewe tipis meinisin ra föri lemenen unusen ewe fanü.

Jeremaia 20:5

Üpwe pwal ngeni chon oputer wöün ei telinimw meinisin, än chon ei telinimw win me pisekir meinisin ra aücheani, pwal än ekewe kingen Juta pisek mi aüchea meinisin. Ir repwe angei ekewe pisek meinisin fän pöchökül pwe liaper o uweerela Papilon.

Jeremaia 21:13

Ngang üpwe ü ngenikemi, ämi chon Jerusalem mi imweimw lon ewe lemol won ewe achau mi sonosonöch, ämi chokewe mi apasa, ‘Iö epwe tongeni feito o mauneekich, ika iö epwe tongeni tolong lon leniach?’

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Kölün kechü 1:10

Ekewe chon oputan ra angeala än Jerusalem pisek mi aüchea meinisin. Ewer, a küna pwe chon ekewe mwü ra ipwelong lon ewe Imwenfel, ir chokewe ewe Samol mi Lapalap esap mwüt ngeniir pwe repwe nonom lon an mwich.

Isikiel 16:39

Iwe, üpwe atolongok fän nemenien noum kewe kamwet. Ir repwe atai ekewe leni ia ka amömö inisum ie o aturala om kewe lenien fel ngeni uluulun anümwäl. Repwe kamwei senuk üfom, repwe pwal angei senuk foutom mi ling o likitukela lon om selela.

Isikiel 23:46

Iei usun Kot ewe Samol mi Lapalap a apasa, “Üpwe amwichafengeni chomong aramas pwe repwe ü ngeniir, üpwe pwal awarato niuokus watte wor o amweleleer.

Isikiel 6:3

Iwe, kopwe apasa: Ämi chukun Israel, oupwe rongorong alon Kot ewe Samol mi Lapalap. Pun iei mine Kot ewe Samol mi Lapalap a apasa ngeni ekewe chukutekia me chukutekison, ngeni ekewe pwokur me ekewe lemol: Ngang üpwe fokun awarato womi efoch ketilas, pwe üpwe ataela ekewe leni ia aramas ra fel ngeni ekewe uluulun anümwäl ie.

Lifitikos 26:30

Üpwe atai ämi kewe lenien fel won ekewe leni tekia o pökükisietiu ämi kewe rongen asoren ötüöt. Üpwe pwal moneetä inisin ämi kewe somä won ämi kewe uluulun anümwäl mi tatakis. Iwe, üpwe fokun oputakemi.

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Sefanaia 1:13

Aramas repwe soläni ar kewe pisek, nge imwer kewe repwe tala. Inamwo ika ra aüetä imwer, resap fokun nonom lor. Inamwo ika ra fotuki tanipin wain, resap fokun ün wain seniir.”