Jeremaia 17:21 - Chuukese Bible

²¹ Iei alon ewe Samol mi Lapalap: Oupwe afäli manauemi. Ousap mwärei och mettoch lon ewe ränin sapat ika uwalong och lon ekewe asamalapen Jerusalem.

Jeremaia 17:21 Iomraidhean Croise

Ekistos 20:8

Kopwe tümwünü ewe ränin sapat pwe kopwe pinini.

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 56:2

Üpwe afeiöchü ewe aramas a pinini ewe ränin sapat pwe esap angang lon, üpwe pwal afeiöchü ätewe esap föri mine a ngau.”

Aisea 58:13

“Are kopwe tümwünuk pwe kosap apiningaua ewe ränin sapat, kosap pwal föri om angang lon ai rän mi pin, are kopwe aita ngeni ewe ränin sapat ränin pwapwa me pin o tümwünüöchü, pwe kosap kukuloufetal o föri püsin om angang lon, kosap pwal eäni kapas mi lomotongau,

Markus 4:24

Jesus a pwal üreniir, “Oupwe aü selingemi ngeni mine oua rongorong! Ewe chök aükük oua aea le aükük, iei ewe aükük Kot epwe aea ngenikemi, nge epwe fen lap seni.

Lukas 8:18

Iei mine oupwe föröchü usun ämi aüseling. Pun iö a wor an, Kot epwe achomongala, nge iö esap wor an, Kot epwe mwo nge angei seni ewe ekis a ekieki a nom ren.”

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

Tuteronomi 11:16

Oupwe afälikemi pwe ousap tupula o tokola ren ämi angang ngeni pwal ekoch kot o fel ngeniir.

Tuteronomi 4:15

Iwe, lon ewe rän ewe Samol mi Lapalap a kapas ngenikemi seni lon ewe ekkei me won ewe chuk Horep, ousap küna lapalapan. Iei mine oupwe fokun afälikemi,

Tuteronomi 4:23

Oupwe püsin äfälikemi pwe ousap manlükala ewe pwon ewe Samol mi Lapalap ämi we Kot a föri ngenikemi. Ousap föri eu uluulun anümwäl lon lapalapen mettoch meinisin i a pinei senikemi.

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Josua 23:11

Iei mine oupwe fokun afälikemi pwe oupwe echeni ewe Samol mi Lapalap ämi we Kot.