Jeremaia 17:16 - Chuukese Bible

¹⁶ Üsap pesee ngonuk pwe kopwe awarato ingau, üsap pwal älälei ewe ränin feiengau, en ka silei usun. Mine üa apasawu a pwäla fän mesom.

Jeremaia 17:16 Iomraidhean Croise

Jeremaia 12:3

Nge en ai Samol mi Lapalap, ka sileei, ka künaei o sotuni ai ekiek ngonuk. Kopwe nukiela ekewe aramasangau usun sip ra nukunuk ngeni ar repwe ninnila, kopwe aimwürela fän iten ewe ränin ninnila.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 15:15

Mürin Jeremaia a apasa, “Ai Samol mi Lapalap, en ka silei mettoch meinisin. Kopwe chechemeniei o alisiei. Fän itei kopwe ngeni chon ariaföüüei chappen ar föför. Lon om mosonotam kosap angei manauei. Kopwe chechemeni pwe üa itengau fän itom.

Jeremaia 18:20

Ifa usun, föför mürina epwe liwin ngeni ngau? Nge ir ra tuw eu pwang fän itei. Kopwe chechemeni ai ütä fän mesom, pwe üpwe kapas mürina fän iter o akulu seniir om lingeringer.

Jeremaia 20:7

Ai Samol mi Lapalap, ka echimwaei, nge ngang üa chimw reöm, en ka pöchökül seniei, en ka akufuei. Üa uretakir iteiten rän, aramas meinisin ra turunufaseei.

Jeremaia 20:9

Nge are üa apasa, “Üsap chüen föüni iten ewe Samol mi Lapalap ika kapas fän itan,” mürin om kapas a usun chök ekkei mi kü me lon lelukei, a pwourur me lechüi. Üa resin apwosalong, nge üsap chüen tongeni.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Amos 5:10

Ämi oua oput ätewe mi pälüeni mine a pwüngingau lon kapwüng, oua pwal oput ätewe mi eäni kapas mi let.

Föför 20:20

Oua silei pwe üsap amwöchü och mine epwe alisikemi lupwen üa afalafalakemi o aiti ngenikemi ewe pworaus usun ewe Samol Jesus lon mwichen aramas pwal lon en me imwan.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

2. Korint 2:17

Äm aisap usun ekewe chomong aramas ra aea än Kot kapas minen amömö fän iten ar repwe kütta win. Nge pokiten Kot a tinikem, äm aia kapas fän wenechar mwen mesan usun nöün Kraist chon angang.

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

James 3:1

Ämi pwii kana, esap chomong me leimi repwe wiseni ewe wisen sense, pun oua silei pwe kich mi wiseni wisen sense sipwe küna kapwüng mi fokun chou lap seni ekewe ekoch.