Jeremaia 17:13 - Chuukese Bible

¹³ Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 17:13 Iomraidhean Croise

Kölfel 22:4

Äm kewe lewo ra anomu ar apilükülük womw. Ra apilükülükuk, nge en ka angaserela.

Kölfel 69:29

Nge ngang üa metek o nom lon apilükingau. Ai Kot, kopwe atekiaeitä o amanauaei.

Kölfel 71:5

Ai Samol mi Lapalap, en ai apilükülük, üa lükülükuk seni lesäräföi.

Kölfel 73:27

Nge chokewe mi likitukela repwe feiengau. Ka arosala chokewe resap allükülük ngonuk.

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Än Salomon Fos 10:7

Aramas ra chechemeni eman chon pwüng, pun i popun ar feiöch, nge repwe manlükala iten eman aramasangau.

Än Salomon Fos 14:14

Eman aramas mi rikirik epwe kini uän an föför, nge eman aramasöch epwe kini uän an angang.

Aisea 1:28

Nge ekewe chon ü ngeni Kot me chon tipis repwe rosola meinisin, chokewe mi likitala ewe Samol mi Lapalap repwe mola.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Jeremaia 14:8

En chök än chon Israel apilükülük, en chök chon amanauakem lon fansoun riaföü. Pwota ka usun chök eman chon ekis lon ei fanü, pwota ka usun chök eman chon siamü mi chök pwini epwin?

Jeremaia 17:17

Kosap eu minen eniweniw ngeniei, en ai lenien op lon fansoun feiengau.

Jeremaia 17:18

Chokewe mi ariaföüüei repwe küna säw, nge kosap mwüt ngeniei pwe üpwe küna säw. Kopwe arüköör, nge kosap arüköei. Kopwe awarato feiengau wor o fokun atatakisiir.

Jeremaia 17:5

Ewe Samol mi Lapalap a pwal apasa, “A anümamau eman aramas mi anomu an apilükülük won aramas o lükü pöchökülen aramas, nge lelukan a rik seniei.

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Isikiel 13:9

Üpwe palüeni ekewe soufos a wor künaer mi atuputup, pwal chokana ra pweei mine a mwakel. Iwe, resap nom lon mwichen nei aramas, lupwen ra pwüngüpwüngfengen, iter esap makelong lon puken tettelin chon Israel, resap pwal tolong lon ewe fanü Israel. Mürin repwe silei pwe ngang Kot ewe Samol mi Lapalap.

Isikiel 16:63

Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.

Isikiel 36:32

Üa mochen pwe oupwe fokun silei, pwe mine üpwe föri, üsap föri fän itemi, ämi chon Israel. Oupwe säw o itengau ren ämi föföringau. Ngang Kot ewe Samol mi Lapalap üa kapas.”

Taniel 12:2

Iwe, chomong lein chokewe mi mäla repwe manausefäl. Ekoch repwe eäni manau esemüch, nge ekoch repwe eäni itengau me säw esemüch.

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Sekaraia 13:1

Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”

Sekaraia 9:12

Oupwe liwiniti leniemi mi pöchökül, ämi chon fötek mi witiwit fän apilükülüköch. Iei üpwe asile ngenikemi pwe üpwe liwini ngenikemi feiöch fän ruu fän iten mine oua riaföü ren.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Föför 28:20

Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

1. Timoty 1:1

Ngang Paulus, eman nöün Kraist Jesus soukünö fän än Kot ach we Chon Amanau allük me Kraist Jesus ach apilükülük,

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 21:6

Iwe, a apasa, “Mettoch meinisin ra fisila iei. Ngang ewe Aemanün me Amüchülan, ewe Popun me ewe Sopolan. Üpwe ngeni chokewe mi kaka pwe repwe ün seni ewe puächen kolukun manau, nge resap möni.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Pwärätä 7:17

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”