Jeremaia 17:1 - Chuukese Bible

¹ Ewe Samol mi Lapalap a apasa, “Än chon Juta tipis a mak ren efoch pen seni mächä, a rup lon leluker ren mesen eföü fau aüchea itan taimont, pwal won mächän ar kewe rongen asor.

Jeremaia 17:1 Iomraidhean Croise

Än Salomon Fos 3:3

Iwe, kosap mwüt ngeni kirikiröch me allükülük repwe sü senuk, kopwe riretä fän üom o makeretiu lon lelukom.

Än Salomon Fos 7:3

Kopwe amwöchüür lükün fansoun meinisin o iseniir lon lelukom.

Aisea 49:16

Nengeni, üa makei itom lon pei me ruofoch. Om kewe tit, Sion, ra nonom fochofoch fän mesei.

Jeremaia 11:13

Ämi chon Juta, ämi kewe kot ra chomong usun chomongun ämi kewe telinimw, nge ämi kewe rongen asor oua senätä pwe oupwe keni apach mi pwokus wor ngeni ewe anü Paal mi anioput ra chomong usun chomongun ekewe alen Jerusalem.

Jeremaia 2:22

Inamwo ika ka püsin limetuk ren sarasko o sopuluk ren chomong soop, limengauen om tipis a chüen nom fän mesei.

Jeremaia 31:33

Nge iei ewe pwon mi fö üpwe föri ngeni chon Israel lon ekana rän: Üpwe atolonga ai kewe allük lor o makeretiu lon leluker. Iwe, üpwe ar Kot, nge ir repwe nei aramas kana.

Jeremaia 4:14

En Jerusalem, kopwe limeti lelukom seni om föföringau, pwe kopwe manau. Ifa ükükün fansoun an epwe nom lomw om kewe ekiekingau.

Osea 12:11

Nge ekewe aramas ra fel ngeni uluulun anümwäl me lon Kiliat, iei mine repwe fokun mäla. Ra eäni asor ätemwänin kow lon Kilkal, iei mine ar kewe rongen asor repwe wiliti ioien fau lon eu mälämäl mi tu.”

Osea 7:2

Nge resap ekieki pwe üa chechemeni ar kewe föföringau meinisin. Iei ar kewe tipis ra pweli ünükür, ra nom fän mesei iteiten fansoun.

Osea 8:11

Chon Israel ra senätä chomong rongen asor pwe repwe eäni asoren tipis wor, nge ekei rongen asor ra wiliti lenien tipis ngeniir.

Lifitikos 4:25

Mürin, ewe souasor epwe angei ekis chan ewe mönün asoren tipis o tofätä won mächän ewe rongen asoren kek, nge lusun ewe cha epwe ninätiu lepopun ewe rongen asoren kek.

Sekaraia 7:12

Ra apöchöküla leluker pwe a pöchökül usun fau, pwe resap rongorong ekewe allük me ekewe kapas, ngang üa tini ngeni Ngüni, nge ekewe soufosun lom ra asile ngeni ekewe aramas. Iei popun ngang ewe Samol mi Unusen Manaman üa fokun lingeringeritiir.

2. Korint 3:3

A fat pwe püsin Kraist a makkei ei toropwe o tinato rech. Esap mak ren ink, nge ren Ngünün ewe Kot mi manau, esap mak won fau mi chöpöp, nge a mak won letipen aramas.