Jeremaia 16:8 - Chuukese Bible

⁸ Kosap pwal feila lon eu imw ia a fis kametip ie, pwe kopwe mot rer o etiir le mongö o ün.

Jeremaia 16:8 Iomraidhean Croise

Kölfel 26:4

Üsap nom ren aramas mi chofana, üsap pwal chiechi ngeni chon likatuputup.

Jeremaia 15:17

Üsap nom lon mwichen chon kütta ar pwapwa, üsap pwal etiir le meseik. Üa äkäleman won ai pokiten poum a nom woi, pun en ka auraei ren song.

Mateus 24:38

Lon ekewe rän mwen ewe noter, ekewe aramas ra momongö o ükün, ra pwüpwülü o akapwüpwülüür tori ewe rän lupwen Noa a tolong lon ewe waimw.

1. Korint 5:11

Iwe, iei wewen ai kei kapas, pwe ousap chiechi ngeni eman aramas mi püsin aita ngeni pwe i eman souläng, nge fen i eman mi föri sokun föför mi fokun ngau, ika eman chon tipemong, ika eman chon angang ngeni anümwäl, ika eman chon aitengaua aramas, ika eman chon ünüpuch, ika eman chon solä. Ousap mwo nge mongöfengen me ena sokun aramas.

Efisos 5:11

Ousap eti aramas le föri ekewe föför mi lomotongau, ekewe föförün rochopwak, nge oupwe sarifiir, pwe repwe pwäwu lon saram.