Jeremaia 16:6 - Chuukese Bible

⁶ Iwe, aramas tekia me aramas tekison repwe mäla lon ei fanü. Resap peias, esap pwal wor eman epwe kechüeitiir ika akinasa inisin ika räisöla möküran fän iter.

Jeremaia 16:6 Iomraidhean Croise

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Aisea 24:2

Iwe, lon ewe feiengau epwe fis pwe aramas repwe wewefengen. Souasor repwe usun chök aramas kis, samol repwe usun chök nöür chon angang mwän me chon angang fefin, chon amömö repwe usun chök chon kamö, nge chon mwütawu repwe usun chök chon tüngor me chon liwinimang.

Jeremaia 13:13

Mürin kopwe üreniir pwe ngang ewe Samol mi Lapalap üpwe aünü chon ei fanü meinisin wain tori repwe pulas. Ekewe king ir mwirimwirin Tafit, ekewe souasor, ekewe soufos me chon Jerusalem meinisin repwe ün.

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 41:5

walik mwän ra feito seni Sikem, Silo me Samaria, nge ra räisöüla alüser, ra kamwei üfer o akinasa inisir. Ra uwato asoren mongö me apach mi pwokus, pwe repwe asor lon ewe imwenfel.

Jeremaia 47:5

Chon Kasa repwe räisöüla mökürer lon ar letipeta, chon Askelon ra mäfeiengau. Ämi chokewe mi chüen manau me lon ewe maasies, ifa ükükün fansoun ämi oupwe akinasakemi pokiten ämi lolilen?

Jeremaia 48:37

Iwe, ir meinisin ra räisöüla mökürer o fichiela alüser. Ra akinasa pöür o pwölü ngeni wänükür üf seni tuk.

Jeremaia 7:29

Oupwe fichiela meten möküremi o pöütala. Oupwe ngüngüres me won ungen ekewe chuk, pun ewe Samol mi Lapalap a pöütala o asechala ei täppin aramas mi nom fän an lingeringer.’”

Jeremaia 8:2

Iwe, repwe toropas fän akkar me maram pwal fän ekewe fün läng meinisin. Pun ikei ekewe mettoch ekewe aramas ra echeniir o angang ngeniir, ra pwal angei ar öüröür me rer o fel ngeniir. Esap wor eman epwe ionifengeni ekewe chü o peiaseniir. Repwe usun chök kiten mongö me won pwül.

Lifitikos 19:27

Ousap pwal fichi meten möküren asen selingemi ika amocha alüsemi.

Lifitikos 19:28

Ousap nekelekei inisimi fän iten mönümä, ousap ichi sokopaten lios womi. Ngang ewe Samol mi Lapalap. x Lif 21.5; Tut 14.1

Amos 6:11

Iwe, lupwen ewe Samol mi Lapalap epwe atowu an allük, ekewe imw watte me ekewe imw kükün repwe tatakisitiu.

Mateus 9:23

Mürin Jesus a feila lon imwen ewe nöüwis. Nge lupwen a küna ekewe chon ettiki pisekin ettik won ewe mi mäla, pwal ekewe aramas mi ngüngüres o kechü,

Tuteronomi 14:1

“Iwe, ämi nöün ewe Samol mi Lapalap ämi we Kot. Iei mine ousap nekelekelei inisimi ika reipöpöla möküremi, lupwen oua letipeta ren eman mi mäla.

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 6:15

Mürin ekewe kingen fanüfan, ekewe sounemenem me meilapen sounfiu, ekewe chon pisekisek me ekewe mi wor maner, pwal ekewe aramas meinisin, ekewe amanau me ekewe mi ngas ra aopeer lon ekewe föüimw pwal fän säpereperen ekewe achau won ekewe chuk.