Jeremaia 16:5 - Chuukese Bible

⁵ Kosap tolong lon imwen chon letipeta, kosap feila rer pwe kopwe kechü o achipeer, pun ngang üa angei seni ekei aramas ai kinamwe, ai tong ellet me ai ümöümöch.

Jeremaia 16:5 Iomraidhean Croise

Kölfel 25:6

Ai Samol mi Lapalap, kopwe chechemeni om ümöümöch me om tong ellet, ka pwärätä seni chök lomlom.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Jeremaia 12:12

Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 13:14

Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

Jeremaia 16:13

Iei mine üpwe aturukemiiwu seni ei fanü o aturukemiilong lon eu fanü ämi me ämi kewe lewo ousap silei me mwan. Ikenan oupwe angang ngeni pwal ekoch kot lerän me lepwin, pun ngang üsap kirikiröch ngenikemi.’”

Kölün kechü 3:17

Esap chüen wor kinamwe lon manauei, üsap chüen sile pwapwa.

Sekaraia 8:10

Pun mwen ekana rän esap wor mön än eman aramas angang ika än eman man angang, esap pwal wor eman a tongeni föri an angang fän kinamwe pokiten chon oputan. Pun üa föri pwe aramas repwe fitikokofengen.

Tuteronomi 31:17

Lupwen epwe fis ei, üpwe fokun song ngeniir. Üpwe likitirela o amona mesei seniir pwe repwe rosola. Iwe, chomong feiengau me riaföü repwe toriir, pwe repwe ais lon ewe ränin, ‘Ifa usun, ekei feiengau ra torikich pokiten ach Kot esap nom lefilach?’

Pwärätä 6:4

Iwe, pwal eman oris mi parapar a towu, nge ewe mi mot won a mwümwü ngeni an epwe aworato maun won fanüfan, pwe aramas repwe nifengeniir. A angei efoch ketilas mi langatam.