Jeremaia 16:4 - Chuukese Bible

⁴ Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 16:4 Iomraidhean Croise

2. King 9:10

Kolak repwe ochei Isipel me lon kinikinin fanüen Jesrel, nge esap wor eman epwe peiaseni.” Mürin än ewe soufos alüal apasa ekei kapas, a suki asamen ewe rum o süla.

Kölfel 78:64

Nöür souasor ra mäla ren ketilas, nge nöür fefin mi mä pwülüer resap tongeni ngüngüres.

Kölfel 83:10

Ir ra ninnila me Entor, inisir a usun chök kiten mongö won pwül.

Aisea 18:6

Iwe, somän ekewe sounfiu repwe nom won ekewe chuk fän iten machang mi mwacho, pwal fän iten ekewe manmwacho won fanüfan. Iwe, lupwen fansoun pwichikar ekewe machang mi mwacho repwe ocheer, nge lupwen fansoun patapat ekewe manmwacho repwe pwal ocheer.

Aisea 5:25

Iei mine ewe Samol mi Lapalap a fokun song ngeni nöün aramas o aitiela pöün pwe epwe apwüngüür. Iwe, ekewe chuk repwe chechech, nge ekewe somä repwe nonom won ekewe al usun chök pipi. Iei mwo nge än Kot song esamwo kul seniir, pöün a chüen afeiengaueer.

Jeremaia 19:7

Iwe, lon ei leni üpwe atai än chon Juta me chon Jerusalem akot. Üpwe föri pwe ekewe aramas repwe kuf ren chon oputer o mäla lon maun. Üpwe aochocha ngeni ekewe machang me ekewe manmwacho ekewe somä.

Jeremaia 21:6

Üpwe nifengeni aramasen ei telinimw me man. Repwe mäla ren eu mätter mi watte.

Jeremaia 25:33

Iwe, chokewe mi ninnila me ren ewe Samol mi Lapalap lon ewe ränin repwe toropasfeil seni epek fanüfan tori epek. Esap wor eman epwe kechüeitiir, ika ionifengeniir, ika peiaseniir. Repwe usun chök kiten mongö me won pwül.

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Jeremaia 34:20

Üpwe asechirelong lepöün chon oputer, chokewe mi mochen nirela. Ekewe machang me ekewe manmwacho repwe ochei somär.

Jeremaia 36:30

Iei mine ngang ewe Samol mi Lapalap üa apasa fänäsengesin Jehoiakim ewe kingen Juta: Esap wor eman mwirimwirin epwe king o nemeni ewe mwü Tafit a nemeni me lom. Nge somän epwe koturula lükün pwe epwe nom fän pwichikar lerän me patapat lepwin.

Jeremaia 44:12

Üpwe niela ekewe chon Juta mi chüen manau, ir chokewe mi fokun ekiekin feila Isip pwe repwe nonom ikenan. Repwe rosola meinisin me lon Isip ren maun ika lengita seni ekewe mi kis tori ekewe mi lap. Repwe wiliti och minen eniweniw o küna turunufas me itengau, aramas repwe leaweniir lon ar ottek.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 7:33

Iwe, ekewe machang me ekewe manmwacho repwe ochei fituken ekei somä, nge esap wor eman epwe eniweer.

Jeremaia 9:22

Somän ekewe aramas repwe toropasfeil ekis meinisin usun kiten mongö lon ekewe leni mi amassawa. Repwe usun chök pilükün wiich ekewe chon pöküpök ra likiti, nge esap wor eman a ionifengeniir. Iei met ewe Samol mi Lapalap a akünö ngeniei pwe üpwe apasa.”

Kölün kechü 4:9

Chokewe mi mäla lon maun ra feiöch seni chokewe mi mäla ren echik, ir chokewe mi kichüchüla o mäla, pun esap wor ener mongö seni ekewe mälämäl.

Isikiel 24:21

pwe üpwe üreni ämi chon Israel, ‘Iei alon Kot ewe Samol mi Lapalap: Üpwe apiningaua pinin ai we leni mi pin oua aücheani o sikesik won, mesemi ra pwapwaiti, letipemi ra pwal ekimongei. Nöümi mwän me fefin, oua likitiir lon ewe fanü Israel, repwe mäla lon maun.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Sefanaia 1:17

Iei alon ewe Samol mi Lapalap, “Üpwe atoto riaföü won aramas pwe repwe fetal usun chon chun pokiten ar tipis ngeniei. Char epwe ninitiu usun chök koluk, nge fituker epwe toropas usun chök kiten mongö.”

Tuteronomi 28:22

Ewe Samol mi Lapalap epwe afeiengaukemi ren fius me pwichikar me pwo. Epwe tinala won fanüemi pwichikar watte me pwasapwas, moi me mesenipik. Ekei feiengau repwe torikemi tori oupwe rosola.

Tuteronomi 28:26

Ekewe machang meinisin pwal ekewe manmwacho won fanüfan repwe ochei somämi, nge esap wor eman epwe asürela.