Jeremaia 16:21 - Chuukese Bible

²¹ Iwe, ewe Samol mi Lapalap a apasa, “Iei mine lon ei fansoun üpwe föri pwe repwe silei ai manaman me ai pöchökül. Mürin repwe silei pwe itei ewe Samol mi Lapalap.”

Jeremaia 16:21 Iomraidhean Croise

Kölfel 83:18

Iwe, repwe silei pwe en ewe mi iteni Samol mi Lapalap, en chök Ewe mi Unusen Tekia won unusen fanüfan.

Kölfel 9:16

Ewe Samol mi Lapalap a pwärala püsin i ren an eäni kapwüng fän pwüng. Ekewe aramasangau ra tup lon püsin ar föför.

Ekistos 14:4

Iwe, ngang üpwe aföreai letipen Farao pwe epwe tapweriir. Pun üpwe alinga itei won Farao me nöün mwicheichen sounfiu, pwe chon Isip meinisin repwe silei pwe ngang ewe Samol mi Lapalap.” Iwe, ekewe chon Israel ra föri iei usun.

Ekistos 15:3

Ewe Samol mi Lapalap eman soumaun, itan Samol mi Lapalap.

Ekistos 6:3

Üa pwä ngeni Apraham, Isaak me Jakop ren itei we Kot mi Unusen Manaman, nge üsap asile ngeniir itei ei Samol mi Lapalap.

Aisea 43:3

Pun ngang ewe Samol mi Lapalap om Kot, ngang Ewe mi Pin lon Israel om Chon Amanau. Iwe, üpwe eäni Isip penmanau fän itom, üpwe pwal fangala Itiopia me Sepa pwe siwilum, nge en kopwe ngas.

Jeremaia 33:2

Iei alon ewe Samol mi Lapalap mi föri fanüfan, mi alapalapa o anüküchara lon lenian, itan ewe Samol mi Lapalap,

Isikiel 24:24

Iei usun Isikiel epwe eu asisil ngenikemi. Iwe, ämi oupwe föri meinisin mine i a fen föri. Nge lupwen epwe fis ekei mettoch, oupwe silei pwe ngang Kot ewe Samol mi Lapalap.’” Iwe, ewe Samol mi Lapalap a üreniei,

Isikiel 24:27

Lon ewe chök rän kopwe silesefäl kapas, pwe kopwe tongeni kapas ngeni ewe chon sü. Ren ei kopwe eu asisil ngeni ekewe aramas, pwe repwe silei pwe ngang ewe Samol mi Lapalap.”

Isikiel 25:14

Nei kewe aramasen Israel repwe ngeni chon Etom chappen ar föför fän itei. Ir repwe eäni ai song me lingeringer ngeni chon Etom. Ren ei repwe silei pwe ngang üa ngeniir chappen ar föför,” iei alon Kot ewe Samol mi Lapalap.

Isikiel 6:7

Iwe, aramas repwe ninnila me leimi, pwe oupwe silei pwe ngang ewe Samol mi Lapalap.

Amos 5:8

Ewe Samol mi Lapalap a föri ekewe fü iter mweriker me öniön. A siwili rochokichin rochopwak ngeni saram o awili rän ngeni pwin. A angei kolukun lematau o ninätiu won fanüfan. Itan ewe Samol mi Lapalap.