Jeremaia 16:2 - Chuukese Bible

² “Kosap pwüpwülü, esap pwal wor noum mwän ika noum fefin lon ena sokun leni.

Jeremaia 16:2 Iomraidhean Croise

Keneses 19:14

Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.

Jeremaia 16:1

Iwe, ewe Samol mi Lapalap a üreniei,

Jeremaia 16:3

Üpwe ürenuk mine epwe fis ngeni ekewe mwän me fefin mi uputiu lon ei leni, pwal ngeni ekewe in me sam mi nöüniir me lon ei fanü:

Jeremaia 29:6

Oupwe pwüpwülü o nöünöü ät me nengin. Oupwe apwüpwülüa nöümi mwän me nöümi fefin, pwe ir repwe nöünöü ät me nengin. Oupwe achomongakemiila me ikenan, nge ousap chokükünüla.

Kölün kechü 2:22

Ka körifengeni chon aniuokusuei seni ekis meinisin, usun aramas ra kökköto ngeni eu ränin chulap. Esap wor eman aramas a tongeni sü ika manau lon ränin om song. Ewe chon oputaei a niela chokewe üa oupuur o foleniir.

Mateus 24:19

Riaföün ekewe fefin mi pwopwo me ekewe inelap mi oupwu nöür lon ekana rän.

Lukas 21:23

Riaföün ekewe fefin mi pwopwo me ekewe inelap mi oupwu nöür lon ekewe rän, pun epwe wor riaföü mi lapalap lon ei fanü o än Kot song epwe tori ekei aramas.

Lukas 23:29

Pun repwe war ekewe rän, lupwen aramas repwe apasa, ‘Feiöchün ekewe fefin mi rit, ekewe fefin resap nöünöü, pwal ekewe resap oupwu semirit.’