Jeremaia 16:12 - Chuukese Bible

¹² Nge ämi oua fen föri föför mi ngau lap seni ämi kewe lewo. Oua en me chei ülöförean letipan mi ngau, nge ousap fokun aleasochisiei.

Jeremaia 16:12 Iomraidhean Croise

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

Än Salomon Afalafal 8:12

Ika mwo eman chon tipis a föföringau fän ipükü, nge a pwal manauatam, üa chök silei pwe chokewe mi niueiti Kot o meniniti repwe feiöch.

Än Salomon Afalafal 9:3

Iei och mettoch mi ngau a fis won fanüfan, pwe eu chök lapalap a fis ngeni aramas meinisin. Letipen aramas ra uren mettoch mi ngau, ra pwal uren song lupwen ra manau, nge mürin ra chök mäla.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 17:9

Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Jeremaia 18:12

Nge ir ra apasa, ‘Esap wor lomotan. Äm aipwe chök chei püsin äm ekiek me ülöförean lelukem mi ngau.’”

Jeremaia 22:28

Ifa usun, ei mwän Jehoiachin esap wewe ngeni eu pör mi mök o pöütüla, esap wor eman a mochen eäni? Pwota i me nöün kana ra oola lon eu fanü resap sisilei?

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Jeremaia 9:14

Nge ra ülöförea o chei mochenin leluker, ra fel ngeni ekewe anü Paal usun ar kewe lewo ra aiti ngeniir.

Kölün kechü 5:7

Äm kewe lewo ra tipis, nge iei resap chüen manau. Nge äm aia mwärelong fän liwinin ar kewe föföringau.

Isikiel 20:30

Iwe, kopwe üreni ekewe chon Israel, ‘Iei alon Kot ewe Samol mi Lapalap: Pwota oua chök föri ekewe tipis semelapemi kewe ra föri o mocheisou ngeni ar kewe uluulun anümwäl mi anioput?

Amos 2:4

Iei alon ewe Samol mi Lapalap, “Chon Juta ra chök sopwela le föri tipis, iei mine üpwe fokun apwüngüür. Ra pöütala ai kewe allük, nge resap tümwünü ai kewe pwüüng. Ra tokola ren anümwäl, mine ar kewe lewo ra fen angang ngeni.

Malakai 3:7

Usun ämi kewe lewo ra tok seni ai kewe allük, ina usun ämi oua tok seni ai kewe allük, nge ousap aleasochisiir. Oupwe liwinto rei, pwe ngang üpwe liwin ngenikemi. Nge ämi oua ais, ‘Ifa usun lapalapen äm liwinsefäl?’

Markus 7:21

Pun seni me lon leluken eman aramas a towu ekiek mi ngau: ekiekin mocheisou, solä, ninni, lisowu,

Tuteronomi 29:19

Oupwe pwal afälikemi pwe esap wor eman me leimi a püsin ikeetä, lupwen a rong kapasen ei pwon mi fis fän akapel o ekieki lon lelukan, ‘Üpwe chök feiöch, inamwo ika üa chei mochenin lelukei mi ülöförea.’ Ei epwe chök afeiengaua ämi meinisin, chokewe mi mürina me chokewe mi ingau.

Tuteronomi 9:27

Kopwe chechemeni noum kewe chon angang Apraham, Isaak me Jakop. Kosap nenengeni än ekewe aramas tipeförea ika ar föföringau ika ar tipis.

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.

Soukapwüng 2:19

Nge iteiten fansoun, lupwen eman soukapwüng a mäla, ekewe aramas ra kulsefäl o föföringau lap seni semelaper kewe. Ra angang ngeni pwal ekoch kot o fel ngeniir. Iwe, resap fokun mochen likitala ar föför mi ngau ika ükütiu le tipeförea.

1. Samuel 15:23

Pun lükümach a wewe ngeni tipisin pwee, nge ülöförea a wewe ngeni föföringau me angangen anümwäl. Pokiten ka pöütala alon ewe Samol mi Lapalap, i a pwal pöütukela pwe kosap chüen king.”