Jeremaia 16:10 - Chuukese Bible

¹⁰ Iwe, lupwen kopwe üreni ekei aramas ekei kapas meinisin, repwe aisinuk, ‘Pwota ewe Samol mi Lapalap a apwüngala ei sokun feiengau mi watte ngenikem? Met äm föföringau? Met sokun tipis aia föri ngeni ewe Samol mi Lapalap äm we Kot?’,

Jeremaia 16:10 Iomraidhean Croise

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 13:22

Nge are ka ekieki lon lelukom, “Pwota ekei feiengau ra toriei?” Pokiten watten om tipis, a fis pwe aramas ra kamwei senuk ufom o achomanauok.

Jeremaia 2:23

Pwota ka tongeni apasa, ‘Ngang üsap limengau. Ngang üsap fel ngeni ekewe anü Paal.’ Kopwe nenengeni om kewe föför ka föriir me lon ewe lemol o chechemeni mine ka föri. Ka usun chök eman liefefinin kamel mi säfeil ekis meinisin, lupwen a mochen etieti.

Jeremaia 2:35

nge ka apasa, ‘Esap wor ai tipis. Ellet ewe Samol mi Lapalap ese chüen song ngeniei.’ Nge ngang üpwe apwünguk pokiten om apasa pwe esap wor om tipis.

Jeremaia 44:3

pokiten ekewe föför mi ngau ekewe aramas ra föriir. Ra asongaei ren ar keni apach mi pwokus, pwal ren ar fel ngeni pwal ekoch kot, ir me ämi pwal ämi kewe lewo ousap fel ngeniir me mwan.

Jeremaia 5:19

Iwe, lupwen ekewe aramas repwe ais, ‘Pwota ewe Samol mi Lapalap ach we Kot a föri ngenikich ekei mettoch meinisin?’, mürin en Jeremaia kopwe üreniir, ‘Usun oua likitala Kot o angang ngeni pwal ekoch koten ekis me lon fanüemi, iei usun ämi oupwe angang ngeni chon ekis me lon eu fanü sap fanüemi.’

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Osea 12:8

Iwe, ra apasa, ‘Sa fokun wöü, sa pisekisekila. Nge esap wor eman a tongeni atipisikich pwe sa pisekisekila fän atuputup.’