Jeremaia 15:7 - Chuukese Bible

⁷ Üpwe söfölükemiila ren efoch söföl mi keang me lon asamalapen ekewe telinimwen ei fanü. Üpwe niela nöümi kewe o arosakemiila, pun ousap ükütiu seni ämi kewe föför mi ngau.

Jeremaia 15:7 Iomraidhean Croise

Kölfel 1:4

Nge ekewe aramasangau resap iei usun. Pun ra wewe ngeni pipi asepwäl a ässala.

Aisea 41:16

Iwe, kopwe söfölüretä pwe asepwäl epwe ässirela, nge mölümöl epwe atoropaseer. Nge en kopwe pwapwa rei, pun ngang om Samol mi Lapalap, kopwe pwal mwareitiei ngang Ewe mi Pin lon Israel.

Aisea 9:12

Ekewe chon Siria mi nom ötiu me ekewe chon Filistia mi nom lotou ra amasala awer o oromala Israel. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:13

Nge ekewe chon Israel resap ekieksefäl. Inamwo ika ewe Samol mi Unusen Manaman a feiengaueer, nge resap kul ngeni.

Jeremaia 18:21

Nge iei kopwe asechalong nöür kewe lon lengita, kopwe likitiir pwe repwe mäla lon maun. Ekewe fefin repwe lipichsefäl, esap pwal chüen wor nöür. Ekewe mwän repwe mäla ren mätter, ekewe alüal repwe mäla lon maun.

Jeremaia 5:3

Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Jeremaia 51:2

Üpwe tinala chon ekis pwe repwe asüela chon Papilon usun asepwäl a ässala fetilipwas. Repwe apöla ewe fanü, repwe feito o maun ngeni seni lepekin meinisin lon ränin ar feiengau.

Jeremaia 9:21

Pun mäla a tötä me lon asamwachon imwach o tolong lon ekewe imwen king. A ärala ekewe semirit me won ekewe al me ekewe alüal lon ekewe lenien amwicheich.

Isikiel 24:21

pwe üpwe üreni ämi chon Israel, ‘Iei alon Kot ewe Samol mi Lapalap: Üpwe apiningaua pinin ai we leni mi pin oua aücheani o sikesik won, mesemi ra pwapwaiti, letipemi ra pwal ekimongei. Nöümi mwän me fefin, oua likitiir lon ewe fanü Israel, repwe mäla lon maun.

Isikiel 24:25

“Iei usun mine epwe fis ngonuk, nöün aramas. Lon ewe rän, lupwen üpwe angei seniir ar imwenfel mi pöchökül ra aücheani o sikesik won, meser ra pwapwaiti, letiper a pwal ekimongei, lupwen üpwe pwal angei seniir nöür mwän me fefin,

Isikiel 36:12

Iwe, üpwe aliwinisefälikemi ämi nei aramasen Israel, pwe oupwe asosefäli ewe fanü o fanüeni, nge nöümi kewe resap chüen mäla ren echik me won.

Sekaraia 1:4

Ousap apirü ämi kewe lewo. Ekewe soufos me lom ra üreniir fän aloi pwe repwe ükütiu seni ar kewe lapalapangau me föför mi ngau. Nge ir resap aüselinga ika aleasochisiei. Ngang ewe Samol mi Lapalap üa kapas.

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Tuteronomi 28:18

Epwe anümamauakemi pwe esap wor chomong nöümi, esap pwal wor chomong uän ämi pwül, nöümi apanen kow me apanen sip repwe chokükünüla.

Tuteronomi 28:32

Nöümi mwän me fefin repwe oola lon fanüen chon ekis. Iwe, oupwe küna ren mesemi, oupwe pwal letipeta ren ämi positiir iteiten rän, nge esap wor ämi tufich pwe oupwe tongeni angaseer.

Tuteronomi 28:41

Epwe wor nöümi mwän me fefin, nge ousap nöüniir, pun repwe chök oola lon maun.