Jeremaia 15:21 - Chuukese Bible

²¹ Ngang üpwe amanauok seni lepöün ekewe aramasangau o angasok seni fän nemenien ekewe mi mwänewüs ra kamwöchünuk womw. Ngang ewe Samol mi Lapalap üa kapas.”

Jeremaia 15:21 Iomraidhean Croise

Keneses 48:16

pwal ewe chon läng mi amanauaei seni feiengau meinisin epwe afeiöchü ekei ät. Iwe, repwe iteni itei me iten semelapei kewe Apraham me Isaak tori feilfeilachök, repwe pwal fokun chomongola won fanüfan.

Kölfel 27:2

Lupwen aramasangau ra rangetiei pwe repwe nieila, lupwen chon ü ngeniei ra fiu ngeniei, repwe chök chepetek o turula.

Kölfel 37:40

Ewe Samol mi Lapalap a alisiir o angaseer. A angaserela seni ekewe aramasangau o amanaueer, pun ra eäni i lenien op.

Kölfel 97:10

Ewe Samol mi Lapalap a echeni chokewe mi oput mine a ngau. A tümwünü manauen nöün kewe chon pin o angaseer seni ekewe aramasangau.

Aisea 29:20

Iwe, chon mwänewüs repwe mola, chon turunufas repwe mochola, nge chon ekiekin föri mine a ngau repwe rosola.

Aisea 29:5

Nge ekewe mwichen chon oputok repwe wiliti pwül moromor, ekewe mwicheichen sounfiu mi eniwokus repwe wewe ngeni pön wiich mi ässila. Iwe, epwe müttir fis,

Aisea 49:26

Üpwe föri pwe ekewe chon ariaföüuk repwe ochefengeni fituker, repwe pwal puch ren püsin char usun ar puch ren wain. Mürin aramas meinisin repwe silei pwe ngang ewe Samol mi Lapalap om Chon Amanau pwal om Chon Angasa. Ngang än chon Israel we Kot mi manaman.”

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Aisea 60:16

Kopwe wöüni wöün ekewe mwü, nge ekewe king repwe amongök usun eman fefin a aoupu nöün. Mürin kopwe silei pwe ngang ewe Samol mi Lapalap om Chon Amanau pwal om Chon Angasa, Ewe mi Manaman lon Israel.

Jeremaia 16:1

Iwe, ewe Samol mi Lapalap a üreniei,

Jeremaia 20:13

Oupwe köl ngeni ewe Samol mi Lapalap, oupwe mwareiti i. Pun a angasa manauen ekewe chon mwelele seni ekewe chon föföringau.

Jeremaia 26:24

Nge Ahikam nöün Safan we mwän a tümwünü Jeremaia seni ekewe aramas, pwe resap niela.

Jeremaia 31:11

Pun ngang ewe Samol mi Lapalap üa möni ekewe aramasen Israel o angaserela seni chokewe mi kon pöchökül seniir.

Jeremaia 38:28

Nge Jeremaia a nonomotiu lon ewe lenien chon mas tori ewe rän Jerusalem a oola lon.

Jeremaia 39:11

Iwe, Nepukatnesar ewe kingen Papilon a allük ngeni Nepusaratan ewe meilapen chon tümwünü ewe king fän äsengesin Jeremaia o apasa,

Jeremaia 39:12

“Kopwe angei Jeremaia o tümwünüöchü. Kosap afeiengaua, nge kopwe chök föri ngeni usun mine a ürenuk.”

Jeremaia 50:34

Nge ar Chon Amanau a pöchökül, itan ewe Samol mi Unusen Manaman. Epwe fokun peniir, pwe epwe awora kinamwe ngeni fanüfan, nge ngeni ekewe chon Papilon epwe awora osukosuk.”

Taniel 3:17

Nge are epwe fis ngenikem pwe aipwe koturulong lon ewe lenien ekkei mi fokun sarara, äm we Kot aia angang ngeni epwe tongeni amanauakem seni. Ewer, i epwe angasakem seni lepoum en äm king.

Taniel 3:25

Iwe, ewe king a apasa, “Nge pwota üa küna föman mwän resap fööfö, ra fetal lukalapen ewe ekkei, nge resap feiengau. Iwe, lapalapen ewe afömanün a usun chök eman nöün ekewe kot?”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

2. Korint 1:10

I a angasakem seni ekewe feiengauen mäla, i epwe pwal fokun angasakem. Äm aia anomu äm apilükülük won, pwe epwe sopwela le angasakem,