Jeremaia 15:2 - Chuukese Bible

² Nge are repwe aisinuk, ‘Ia aipwe feila ie?’ kopwe üreniir, ‘Iei alon ewe Samol mi Lapalap: Chokewe mi feil ngeni ar repwe mäla ren mätter repwe mäla ren mätter, chokewe mi feil ngeni ar repwe mäla lon maun repwe mäla lon maun, chokewe mi feil ngeni ar repwe mäla ren lengita repwe mäla ren lengita, nge chokewe mi feil ngeni ar repwe oola repwe oola.’

Jeremaia 15:2 Iomraidhean Croise

Aisea 10:4

Esap wor och mine oupwe tongeni föri lükün chök ämi oupwe nom lein chon oola ika lein chokewe mi mäla lon maun. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 24:18

Iwe, chokewe mi sü seni ewe niuokus watte repwe turulong lon ewe pwang mi alolol, nge chokewe mi tötä seni ewe pwang repwe tup lon ewe sär. Pun üt epwe fokun püngümongetiu, nge longolongun fanüfan epwe chechech.

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 14:16

Nge ekewe aramas ir ra osuni ngeniir repwe ninnila usun chök ekewe soufos. Somär repwe koturulong lon ekewe alen Jerusalem, nge esap wor eman epwe peiaseniir. Ei epwe fis ngeniir meinisin fiti pwülüer me nöür mwän me fefin. Pun üpwe awarato wor liwinin püsin ar föföringau.

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 19:7

Iwe, lon ei leni üpwe atai än chon Juta me chon Jerusalem akot. Üpwe föri pwe ekewe aramas repwe kuf ren chon oputer o mäla lon maun. Üpwe aochocha ngeni ekewe machang me ekewe manmwacho ekewe somä.

Jeremaia 43:11

Iwe, Nepukatnesar epwe feito o maun ngeni ewe fanü Isip. Epwe niela chokewe mi feil ngeni ar repwe mäla o aoloi chokewe mi feil ngeni ar repwe oola, epwe pwal niela lon maun chokewe ra feil ngeni ar repwe mäla lon maun.

Isikiel 12:11

Kopwe üreniir, pwe en eu asisil fän iter. Iwe, usun mine ka föri, ina usun epwe fis ngeniir. Repwe feila toau pwe repwe oola.

Isikiel 14:21

Ewer, iei alon Kot ewe Samol mi Lapalap, “Epwe fen ifan feiengauen chon Jerusalem, lupwen üpwe tinala rer ai kewe rüanü feiengau mi watte, maun, lengita, manmwacho me mätter, pwe üpwe arosala aramas me man?

Isikiel 33:27

Iwe, kopwe üreniir pwe iei aloi ngang Kot ewe Samol mi Lapalap: Mwo manauei, chokewe mi imweimw lon ekewe telinimw mi tala repwe mäla ren ketilas, chokewe mi nom lemäl üpwe ngeni ekewe manmwacho pwe repwe ocheer, nge ekewe mi op lon imwen maun me föimw repwe mäla ren mätter.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Isikiel 5:2

Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.

Taniel 9:12

Ka apwönüetä om kapasen pälüenikem me äm kewe sounemenem ren om awarato wom feiengau watte. Iwe, ükükün ewe feiengau mi tori Jerusalem esamwo fis me mwan won unusen fanüfan.

Amos 5:19

Epwe usun chök are eman aramas epwe sü seni eman laion, nge a churi eman pear. Ika usun chök are eman epwe sülong lon imwan o itetä won etippan, nge eman serepenit a küw.

Sekaraia 11:9

Mürin üa üreni ekewe pwiin sip, “Üsap chüen ämi chon mas. Mine a kan ngeni mäla, epwe mäla. Mine epwe ninnila, epwe ninnila. Nge chokewe mi chüen manau repwe nifengeniir.”

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.