Jeremaia 15:13 - Chuukese Bible

¹³ Ewe Samol mi Lapalap a pwal üra, “Üpwe tinato chon oputen nei aramas, repwe uwala wöür me pisekir pwe liaper. Ei epwe fis pokiten ar kewe tipis meinisin ra föri lemenen unusen ewe fanü.

Jeremaia 15:13 Iomraidhean Croise

Kölfel 44:12

Ka amömöla noum kewe aramas ren liwin mi kisikis, nge kosap angei och win ren om amömörela.

Aisea 52:3

Iei alon ewe Samol mi Lapalap ngeni nöün aramas, “Lupwen aramas ra nöünikemi amanau, resap püngütiu liwinimi, ina usun chök esap wor eman epwe püngütiu liwinimi, lupwen oupwe ngasala.”

Aisea 52:5

Nge met üa küna iei? Nei aramas ra oola, nge esap wor liwinir. Chokewe mi nemeniir ra sikesik o aitengauaei fansoun meinisin.

Jeremaia 15:8

Üpwe föri pwe ekewe fefin mi mä pwülüer repwe chomong seni ekewe föün pien aroset. Üpwe awarato eman chon kata leoloas, pwe epwe afeiengaua inen ekewe alüal. Üpwe müttir apüngätiu wor riaföü me niuokus watte.

Jeremaia 17:3

pwal won ekewe chuk lon ewe fanü. Iwe, üpwe föri pwe chon oputakemi repwe liapeni wöümi kana me ämi pisek mi aüchea meinisin, pun liwinin ämi tipis oua föriir lemenen unusen fanüemi.

Jeremaia 20:5

Üpwe pwal ngeni chon oputer wöün ei telinimw meinisin, än chon ei telinimw win me pisekir meinisin ra aücheani, pwal än ekewe kingen Juta pisek mi aüchea meinisin. Ir repwe angei ekewe pisek meinisin fän pöchökül pwe liaper o uweerela Papilon.

Isikiel 38:13

Chon Sepa me Tetan, pwal ekewe chon amömö seni Tarsis me chon telinimwan meinisin repwe aisinuk, ‘Ifa usun, ka feito pwe kopwe liapenala pisek? Ka achufengeni noum kewe mwichen sounfiu pwe repwe soläni pisek o uwala silifer me kolt, repwe pwal liapenala pwiin man me pisek o feila fän liaper mi chomong?’

Sefanaia 1:13

Aramas repwe soläni ar kewe pisek, nge imwer kewe repwe tala. Inamwo ika ra aüetä imwer, resap fokun nonom lor. Inamwo ika ra fotuki tanipin wain, resap fokun ün wain seniir.”