Jeremaia 15:11 - Chuukese Bible

¹¹ Iwe, ewe Samol mi Lapalap a üreniei, “Ellet, üpwe angasok ren eu popun mi mürina. Ellet, üpwe föri pwe chon oputom repwe tütüngor ngonuk lon fansoun feiengau me riaföü.

Jeremaia 15:11 Iomraidhean Croise

Kölfel 106:46

A föri pwe chokewe meinisin mi liapeniir o uweerela lon ekewe fanü mi toau repwe tongeer.

Kölfel 138:3

Lupwen üa kökkö, ka pälüeniei, ka apworaei o apöchöküla lelukei.

Än Salomon Fos 16:7

Are än eman aramas föför a apwapwai ewe Samol mi Lapalap, i epwe pwal föri pwe chon oputan repwe kinamwe ngeni.

Än Salomon Fos 21:1

Leluken eman king a nom lepöün ewe Samol mi Lapalap. A emwenifetalei usun chök an afetala eu chanpupu ia a mochen afetalala ie.

Än Salomon Afalafal 8:12

Ika mwo eman chon tipis a föföringau fän ipükü, nge a pwal manauatam, üa chök silei pwe chokewe mi niueiti Kot o meniniti repwe feiöch.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Jeremaia 21:2

“Kose mochen kopwe kapas ngeni ewe Samol mi Lapalap fän item. Pun Nepukatnesar ewe kingen Papilon a maun ngenikem. Eli ewe Samol mi Lapalap epwe föri eu manaman fän item o föri pwe Nepukatnesar epwe kul senikem.”

Jeremaia 37:17

Mürin, ewe king Setekia a titi Jeremaia o etiwa i. Iwe, a kapas ais ngeni lemonomon me lon imwan o üra, “Ifa usun, mi wor eu kapas seni ewe Samol mi Lapalap?” Nge Jeremaia a pälüeni, “Mi wor. Kopwe tolong lepöün ewe kingen Papilon.”

Jeremaia 37:3

Iwe, ewe king Setekia a tinala Jehukal nöün Selemia we mwän me ewe souasor Sefania nöün Maseia we mwän ren ewe soufos Jeremaia o üreni, “Kopwe iotek fän item ngeni ewe Samol mi Lapalap äm we Kot.”

Jeremaia 38:14

Mürin, ewe king Setekia a titi ewe soufos Jeremaia o etiwa lon aülüngatin lenien tolong me lon imwen ewe Samol mi Lapalap. Iwe, ewe king a üreni Jeremaia, “Üpwe aisinuk eu kapas ais, nge kosap tükümi seniei pälüan.”

Jeremaia 42:2

ren ewe soufos Jeremaia o üreni, “Kose mochen kopwe etiwa äm tüngor o iotek ngeni ewe Samol mi Lapalap ach we Kot fän item meinisin äm kewe mi chüen manau. Pun me lom aia chomong, nge ikenai äm kewe mi chüen manau aia chokükün usun ka püsin küna.