Jeremaia 15:10 - Chuukese Bible

¹⁰ Inei, üa feiengau, pun ka nöünieitiu. Ngang eman aramas unusen chon ei fanü ra anini o afitikoko ngeni. Esap wor eman a tüngor och seniei, üsap pwal liwinimang ngeni eman, nge ir meinisin ra ottekiei.

Jeremaia 15:10 Iomraidhean Croise

1. King 21:20

Iwe, lupwen Ahap a küna Elias, a üreni, “Ifa usun, ka sereniei, en chon oputaei?” Elias a pälüeni, “Ewer, üa serenuk. Ka fangala inisum pwe kopwe föri mine a ngau me fän mesen ewe Samol mi Lapalap.

1. King 22:8

Iwe, ewe kingen Israel a pälüeni, “Mi chüen wor eman mwän, sa tongeni angei öüröürach seni ewe Samol mi Lapalap me ren, itan Mikaia nöün Imla we mwän. Nge ngang üa oput, pun esap fän eu mwo an epwe osuni och mi mürina usi, pwe mi ngau chök.” Nge Jehosafat a üra, “King Ahap, kosap aloni na.”

Kölfel 109:28

Ir ra tongeni eäni kapasen anümamau ngeniei, nge en kopwe afeiöchüei. Chokewe mi ü ngeniei repwe küna säw. Nge ngang noum chon angang üpwe pwapwa.

Kölfel 15:5

A mwütawu nöün moni, nge esap angei winnan, esap pwal angei lifangen amichimich pwe epwe aturu eman esap wor an tipis. Ätewe mi föri ekei mettoch epwe nomopos won chukum mi pin.

Kölfel 69:4

Chokewe mi oputaei, nge esap wor popun, ra chomong seni iteiten meten mökürei. Chokewe mi mochen nieila ra pöchökül, ra kapas chofana usi. Ra pöchökül ngeniei pwe üpwe aliwinala mettoch üsap soläni.

Ekistos 22:25

Iwe, are ka mwüt ngeni eman moni me lein nei aramas mi mwelele pwe epwe paroni, kosap usun eman mi awattela winnen nöün moni. Kosap fokun angei seni winnan.

Än Salomon Fos 26:2

Usun eman nichok ika eman ekiek ra äkkäs, iei usun ekewe kapasen anümamau repwe ässila senuk, are kosap tipis.

Jeremaia 15:20

Iwe, üpwe föri pwe kopwe wewe ngeni eu tit mi pöchökül seni piras ngeni ekei aramas. Ir repwe fiu ngonuk, nge resap tongeni akufuk, pun ngang üa etuk pwe üpwe amanauok o angasok.

Lifitikos 25:36

Iwe, kosap angei manauen an liwinimang ngonuk. Nge kopwe niueiti om we Kot o mwüt ngeni pwiüm we chon Israel an epwe nonomola reöm won ewe fanü.

Lifitikos 25:37

Kosap ngeni pwiüm we chon Israel noum moni pwe kopwe angei seni manauan, kosap pwal amömö ngeni anom mongö pwe kopwe angei winom ren.

Apakuk 1:3

Pwota ka föri pwe üa küna ei sokun weires? Pwota ka tongeni nenengeni ei sokun föför mi ngau? Feiengau me angangen mwänewüs ra nonom mwei, fiu me änini ra fis ekis meinisin.

Mateus 24:9

Mürin repwe fötekinikemi, repwe atolongakemi lepöün chokewe mi ariaföüükemi o nikemiila. Aramas meinisin repwe oputakemi pokiten itei.

Mateus 5:44

Nge ngang üpwe ürenikemi: Oupwe echeni chon oputakemi o iotek fän iten chokewe mi ariaföüükemi,

Lukas 2:34

Mürin Simeon a afeiöchüür o üreni Maria, “Nengeni, ei mönükol a fil me ren Kot pwe epwe eu lenien pöütüla me eu lenien küna manau fän iten chomong lon Israel. Ätei epwe pwal eu asisil me ren Kot chomong aramas repwe ü ngeni lon ar kapas,

Lukas 6:22

“Oua feiöch are aramas ra oputakemi o likitikemi, are ra aitengauakemi o kapasingau usumi pokiten oua lükü Nöün Aramas.

Föför 28:22

Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”