Jeremaia 15:1 - Chuukese Bible

¹ Mürin, ewe Samol mi Lapalap a üreniei, “Inamwo ika Moses me Samuel ra ütä mwei o tüngormau ngeniei fän iten ekei aramas, letipei esap kul ngeniir. Kopwe tinirela seni fän mesei o afeilaar.

Jeremaia 15:1 Iomraidhean Croise

Keneses 19:27

Iwe, lesosorusich Apraham a pwätä o feila won ewe leni ia a ütä ie fän mesen ewe Samol mi Lapalap me mwan.

2. King 17:20

Iei mine ewe Samol mi Lapalap a pöütala ekewe chon Israel meinisin, a ariaföüür o asechirelong lepöün chon solä, tori a asürela seni fän mesan.

Kölfel 106:23

Iei mine Kot a apasa pwe epwe aroserela. Nge Moses nöün we chon angang mi fil a ütä lefiler me Kot, pwe epwe asepa an lingeringer, pwe esap aroserela.

Kölfel 99:6

Iwe, Moses me Aaron ra nom lein nöün kewe souasor, pwal Samuel a nom lein chokewe mi köri itan. Ra iotek ngeni ewe Samol mi Lapalap, nge i a pälüeniir.

Än Salomon Fos 14:35

Eman king a pwapwa ren eman chon angang mi tipachem, nge a song ngeni eman mi föri föför mi äsäw.

Jeremaia 10:18

Pun iei alon ewe Samol mi Lapalap, “Üpwe asüela chon ei fanü lon ei fansoun, üpwe pwal atoto riaföü wor pwe repwe oola.”

Jeremaia 11:14

Iei mine, Jeremaia, kosap iotek fän iten ekei aramas, kosap siö ika tüngor fän iter. Pun ngang üsap aüseling, lupwen ra köriei lon fansoun ar riaföü.

Jeremaia 14:11

Iwe, ewe Samol mi Lapalap a üreniei, “Kosap tüngorei pwe üpwe afeiöchü ekei aramas.

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 15:19

Iei mine ewe Samol mi Lapalap a apasa, “Are kopwe liwinsefälitiei, üpwe awisasefäliik pwe kopwe angang ngeniei. Are kopwe apasa mine a aüchea, nge sap mine a lomotongau, kopwe aweniei. Ekewe aramas repwe kul ngonuk, nge en kosap kul ngeniir.

Jeremaia 16:13

Iei mine üpwe aturukemiiwu seni ei fanü o aturukemiilong lon eu fanü ämi me ämi kewe lewo ousap silei me mwan. Ikenan oupwe angang ngeni pwal ekoch kot lerän me lepwin, pun ngang üsap kirikiröch ngenikemi.’”

Jeremaia 16:5

Kosap tolong lon imwen chon letipeta, kosap feila rer pwe kopwe kechü o achipeer, pun ngang üa angei seni ekei aramas ai kinamwe, ai tong ellet me ai ümöümöch.

Jeremaia 18:20

Ifa usun, föför mürina epwe liwin ngeni ngau? Nge ir ra tuw eu pwang fän itei. Kopwe chechemeni ai ütä fän mesom, pwe üpwe kapas mürina fän iter o akulu seniir om lingeringer.

Jeremaia 22:28

Ifa usun, ei mwän Jehoiachin esap wewe ngeni eu pör mi mök o pöütüla, esap wor eman a mochen eäni? Pwota i me nöün kana ra oola lon eu fanü resap sisilei?

Jeremaia 23:39

üpwe fokun särisikemiitä o pöütikemiila toau seniei, ämi me ämi kewe telinimw üa ngenikemi me ämi kewe lewo.

Jeremaia 35:19

iei mine ngang ewe Samol mi Unusen Manaman, ewe Koten Israel üa pwon pwe epwe wor fochofoch eman mwirimwirin Jonatap nöün Rekap we mwän epwe angang ngeniei.”

Jeremaia 52:3

Iwe, ewe Samol mi Lapalap a song ngeni ekewe chon Jerusalem me chon Juta, iei popun a asürela seni fän mesan. Nge Setekia a ü ngeni ewe kingen Papilon.

Jeremaia 9:19

Oupwe aüseling ngeni och ngüngüres seni Sion, “Sa fokun feiengau, sa unusen itengau, pun sa likiti fanüach, pokiten aramas ra ataetiu imwach kewe.”

Isikiel 14:14

Nge are ekewe ülüman mwän Noa, Taniel me Hiop repwe nom lon ewe fanü, repwe chök püsin amanaueer ren ar pwüng,” iei alon Kot ewe Samol mi Lapalap.

Isikiel 22:30

Iwe, üa kütta ika epwe wor eman aramas leir mi tongeni senätä ewe tit o ütä ngeni pwangan me fän mesei fän iten ewe fanü, pwe üsap ataela. Nge üsap fokun küna eman.

Osea 9:15

Iwe, ewe Samol mi Lapalap a üra, “Pokiten ar föföringau meinisin mi fis me lon Kilkal, üa popuetä le oput ir me ikenan. Üpwe asürela me lon fanüei pokiten ar kei föför mi ngau. Üsap chüen tongeer. Nöür kewe souemwen meinisin ra ü ngeniei.

Sekaraia 3:3

Iwe, Josua a ütä fän mesen ewe chon läng, nge a üföüf üf mi limengau.

Tuteronomi 9:26

Iwe, üa tüngor ngeni, ‘Ai Kot Samol mi Lapalap, kosap arosala noum aramas, pun ir noum, ka angeseer ren om manaman, ka pwal emwenirewu seni Isip ren poum mi manaman.

Ipru 9:24

Pun Kraist esap tolong lon eu Leni mi Pin aramas ra föri, ewe mi chök aliosunätä ewe wesewesen Leni mi Pin. Nge a tolong lon läng o a nonom mwen mesen Kot iei fänäsengesich.

Soukapwüng 5:9

Lelukei a pwapwa ren ekewe meilapen Israel, pwal ren ekewe aramas mi fangala inisir ren mochenin letiper. Sipwe mwareiti ewe Samol mi Lapalap.

1. Samuel 12:19

Mürin, ekewe aramas meinisin ra üreni Samuel, “Kopwe iotek ngeni ewe Samol mi Lapalap om we Kot fän iten noum kei chon angang pwe aisap mäla. Pun aia apacha ngeni äm kewe tipis meinisin ei föför mi ngau, pwe äm aia tüngor eman king fän item.”

1. Samuel 12:23

Nge ngang won inisi, esap fokun tufich ngeniei pwe üpwe tipis ngeni ewe Samol mi Lapalap ren ai üpwe ükütiu le iotek fän itemi. Ngang üpwe aiti ngenikemi mine a öch o pwüng.

1. Samuel 7:9

Mürin, Samuel a angei eman lam mi chüen ün oupw o eäni asoren kek mi unus ngeni ewe Samol mi Lapalap. Iwe, Samuel a siö ngeni ewe Samol mi Lapalap fän iten chon Israel, nge ewe Samol mi Lapalap a aüselinga.