Jeremaia 14:9 - Chuukese Bible

⁹ Pwota ka usun chök eman aramas mi rükö, ika usun chök eman sounfiu esap wor an tufichin amanaua aramas. Nge en äm Samol mi Lapalap ka nom rem, itom a föü wom. Kosap likitikeemila.’”

Jeremaia 14:9 Iomraidhean Croise

2. Kronika 7:14

mürin, are nei aramas repwe atekisoneer, are repwe iotek ngeniei o küttaei, are repwe pwal kul seni ar föför mi ngau, ngang üpwe aüseling seni läng, üpwe amusala ar kewe tipis o auaisefäli fanüer.

Kölfel 10:1

Ai Samol mi Lapalap, pwota ka chök ütä me toau? Pwota ka okopola lupwen äm nom lon riaföü?

Kölfel 27:9

Kosap aopa mesom seniei. Kosap aliwini noum ei chon angang lon om song, pun en ai chon alilis. Kosap pöütieila, kosap pwal likitieila, Ai Kot, ai Chon Amanau.

Kölfel 46:5

Kot a nonom lon ewe telinimw pwe esap fokun tala. Lesosorusich Kot epwe alisi ewe telinimw.

Aisea 12:6

Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”

Aisea 43:7

Oupwe aliwinireto meinisin mi iteni itei, chokewe üa föriir pwe repwe alingaei, chokewe üa alapalapeer o afisiir.”

Aisea 51:9

Kopwe pwätä, kopwe pwätä, äm Samol mi Lapalap, kopwe aea om pöchökül o amanauakem. Kopwe pwätä o alisikem usun chök me lom lon ekewe fansoun ra la. Ifa usun, sap en ätewe a posu o atatakisi Rahap ewe trakon?

Aisea 59:1

Nengeni, pöün ewe Samol mi Lapalap esap mochomoch, a tongeni amanauakemi, selingan esap pinela, a tongeni rongorong ämi siö.

Aisea 63:19

Aia wiliti eu mwichen aramas ra usun chök chokana kosamwo nemeniir seni me lom, ika usun chök chokana resap iteni noum.

Jeremaia 15:16

Üa iseis lon lelukei om kewe kapas, lupwen ra toriei. Om kapas a fis pwe ai pwapwa, lelukei a meseik ren, pun itom a föü woi, ai Kot Samol mi Unusen Manaman.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Jeremaia 8:19

Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Kölün kechü 5:20

Pwota ka manlükikeemila fansoun meinisin? Pwota ka likitikeemila fansoun langatam?

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Apakuk 1:2

Ai Samol mi Lapalap, ifa ükükün fansoun ai üpwe siö ngonuk pwe kopwe awora om alilis, nge kopwap aüselinga? Ifa ükükün fansoun ai üpwe siö ngonuk fän iten ewe angangen mwänewüs, nge kopwap amanauakem?

Sekaraia 2:5

Nge iei alon ewe Samol mi Lapalap, ‘Ngang üpwe eu tit seni ekkei mi pwelifeili Jerusalem, üpwe pwal eu ling fän itan me lon.’”

Sekaraia 8:3

Iei alon ewe Samol mi Lapalap, “Üpwe liwinsefäliti Sion o imweimw lon Jerusalem. Iwe, Jerusalem epwe iteni ewe telinimw mi let, nge chuki epwe iteni ewe chuk mi pin.”

Numperis 11:23

Nge ewe Samol mi Lapalap a pälüeni Moses, “Ifa usun, a aükük ai manaman? Iei kopwe küna ika ai kapas ngonuk epwe fis ika esap fis.”

Föför 15:17

Pwe ekewe ekoch aramas meinisin repwe feito rei, ekewe chon lükün Israel meinisin, üa köri ngeniir nei.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

Tuteronomi 23:14

Pun ewe Samol mi Lapalap a fetalfeil leimi lon ämi lenien sounfiu, pwe epwe amanauakemi o akufu chon oputakemi me mwemi. Iei mine ämi lenien sounfiu epwe pin, pwe Kot esap küna och limengau me reömi o kul senikemi.”

Tuteronomi 28:10

Mürin, aramasen fanüfan meinisin repwe küna pwe ewe Samol mi Lapalap a filikemiitä pwe oupwe nöün aramas, repwe pwal niuokusitikemi.

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”

Pwärätä 21:3

Iwe, üa rong mwelien eman mi leüömong a kapasowu seni ewe lenien motun king, “Nengeni, imwen Kot a nom lein aramas! Iwe, Kot epwe nonom lefiler o ir repwe aramasan, nge püsin Kot epwe etiir pwe epwe ar Kot.

1. Samuel 12:22

Ewe Samol mi Lapalap esap pöütikemiila pokiten itan mi tekia, pun a efich pwe ämi oupwe nöün aramas.