Jeremaia 14:8 - Chuukese Bible

⁸ En chök än chon Israel apilükülük, en chök chon amanauakem lon fansoun riaföü. Pwota ka usun chök eman chon ekis lon ei fanü, pwota ka usun chök eman chon siamü mi chök pwini epwin?

Jeremaia 14:8 Iomraidhean Croise

Kölfel 10:1

Ai Samol mi Lapalap, pwota ka chök ütä me toau? Pwota ka okopola lupwen äm nom lon riaföü?

Kölfel 138:7

Nge are üa nom lon riaföü, en ka tümwünü manauei. Ka ü ngeni ekewe chon oputaei mi song ngeniei o amanauaei ren om manaman.

Kölfel 46:1

Kot ach lenien op me ach pöchökül, a sip le alilis lon fansoun riaföü.

Kölfel 46:2

Iei mine sisap niuokus are fanüfan epwe wilila, nge chuk kana repwe kokotiu lealololun matau,

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 71:5

Ai Samol mi Lapalap, en ai apilükülük, üa lükülükuk seni lesäräföi.

Kölfel 9:9

Ewe Samol mi Lapalap eu lenien op mi pöchökül fän iten ekewe mi riaföü, eu lenien manau lon fansoun riaföü.

Kölfel 91:15

Are epwe köriei, üpwe pälüeni. Üpwe nom ren lon an riaföü, üpwe angasa o aitöchü.

Aisea 33:2

Ai Samol mi Lapalap, kopwe ümöümöch ngenikem, äm aia anomu äm apilükülük womw. Kopwe tümwünükem iteiten rän, kopwe pwal amanauakem lon fansoun riaföü.

Aisea 43:11

Ngang, ngang chök ewe Samol mi Lapalap, nge lüki esap wor eman chon amanau.

Aisea 43:3

Pun ngang ewe Samol mi Lapalap om Kot, ngang Ewe mi Pin lon Israel om Chon Amanau. Iwe, üpwe eäni Isip penmanau fän itom, üpwe pwal fangala Itiopia me Sepa pwe siwilum, nge en kopwe ngas.

Aisea 45:15

Ellet, en eman Kot mi monomon, en Koten Israel, ewe Chon Amanau.

Aisea 45:21

Oupwe feito o fos. Aramas repwe pwüngüpwüng lefiler. Iö a apworausa ei lon ewe fansoun a la? Iö a pwärätä ei me lomlom? Ifa usun, sap ngang, ewe Samol mi Lapalap? Esap wor eman Kot lüki, esap wor eman Kot mi pwüng are eman Chon Amanau, esap fokun wor eman lüki.

Aisea 63:8

Ewe Samol mi Lapalap a apasa, “Ellet ir wesewesen nei aramas, resap eäni föförün atuputup ngeniei.” Iwe, Kot a amanaueer seni ar riaföü meinisin.

Jeremaia 16:19

Ai Samol mi Lapalap, en ai pöchökül me imwei imwen maun, en ai lenien op lon fansoun riaföü. Chon ekewe mwü repwe feito reöm seni lesopun fanüfan o apasa, “Esap wor och äm kewe lewo ra fel ngeni, ngei kot mi mwäl, ekewe uluulun anümwäl mi lomotongau.

Jeremaia 17:13

Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 30:7

Eu rän mi fokun eniuokus epwe war, esap wor eu rän usun chök ei. Epwe eu fansoun riaföü fän iten ekewe mwirimwirin Jakop, nge ir repwe ngasewu seni.”

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Sekaraia 9:12

Oupwe liwiniti leniemi mi pöchökül, ämi chon fötek mi witiwit fän apilükülüköch. Iei üpwe asile ngenikemi pwe üpwe liwini ngenikemi feiöch fän ruu fän iten mine oua riaföü ren.

Föför 28:20

Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

1. Timoty 1:1

Ngang Paulus, eman nöün Kraist Jesus soukünö fän än Kot ach we Chon Amanau allük me Kraist Jesus ach apilükülük,

Soukapwüng 19:17

Iwe, ewe chinlap mwän a küna ewe chon siamü lon ewe lenien amwicheich o aisini, “Ia ka feito me ie? Nge ia kopwe feila ie?”