Jeremaia 14:7 - Chuukese Bible

⁷ Nei aramas ra siö ngeniei o apasa, ‘Äm Samol mi Lapalap, kopwe alisikem usun ka pwon ngenikem, inamwo ika äm föföringau ra atipisikem. Ellet, äm aia tokola fän chomong o tipis ngonuk.

Jeremaia 14:7 Iomraidhean Croise

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Kölfel 115:1

Ai Samol mi Lapalap, kopwe alingala itom, nge sap item, pokiten om tong ellet me om allükülük.

Kölfel 25:11

Ai Samol mi Lapalap, kopwe amusala ai tipis usun ka pwon, pun ai tipis a kon chomong.

Kölfel 79:9

Kopwe alisikem, ai Kot äm Chon Amanau, pwe itom epwe ling. Kopwe angasakem o amusala äm tipis pokiten itom.

Aisea 48:11

Fän itei, fän püsin itei chök üa föri ei. Ifa usun, itei epwe küna turunufas? Üsap ngeni eman ai ling.”

Aisea 59:12

Äm Samol mi Lapalap, a kon watte äm pupungau fän mesom, nge äm tipis kana ra aturukem. Ewer, aia mefi äm pupungau o silei pwe aia föföringau.

Jeremaia 10:19

Nge ekewe aramasen Jerusalem repwe siö, “Feiengauach, pun sa fokun kinas. Nge kinasach esap mola. Sa ekieki pwe iei och mettoch sipwe tongeni öttures fan.

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 3:6

Iwe, lon mwün ewe king Josia ewe Samol mi Lapalap a üreniei, “Ka küna mine chon Israel mi kirikiringau ra föri? Ra kul seniei o feitä won ekewe chuk meinisin pwal fän ekewe irä meinisin mi mwuresires o fel ngeni ekewe koten ekis. Ren ei ra kirikiringau ngeniei.

Jeremaia 5:25

Ämi kewe föför mi ngau ra atoka senikemi ekei fansoun öch, ämi tipis ra amwöchü senikemi ekei feiöch.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 8:14

Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Isikiel 20:14

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.

Isikiel 20:22

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.

Isikiel 20:9

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü ia ra wasöla ie. Pun üa fen asile ngeni chon Israel me fän mesen ekewe mwü, pwe üpwe emwenirewu seni ewe fanü Isip.

Osea 5:5

Än Israel lamalamtekia a püsin sapeiti. Chon Israel repwe chepetek ren ar tipis, pwal chon Juta repwe etiir le chepetek.

Osea 7:10

Än chon Israel lamalamtekia a püsin sape ngeniir. Iei mwo pwe a fis ngeniir ekei mettoch, nge resap liwinitiei ika küttaei ngang ewe Samol mi Lapalap ar we Kot.

Amos 7:2

Üa küna pwe ekewe lifichimas ra eni fetilin ewe fanü meinisin. Mürin üa apasa, “Ai Kot, Samol mi Lapalap, üa tüngor ngonuk pwe kopwe amusala än noum aramas tipis. Ifa usun ar repwe tongeni manau? Ra fokun chokükün o apwangapwang.”

Mika 7:9

Pokiten üa tipis ngeni ewe Samol mi Lapalap, üpwe mwärelong fän an song tori epwe peniei o pwärawu ai pwüng. Epwe emwenieiwu ngeni saram pwe üpwe küna an angasaei.

Efisos 1:12

Iei mine kich mi akomwen apilükülükü Kraist sipwe eu lenien mwareiti lingen Kot.

Efisos 1:6

Sipwe mwareiti Kot ren an we ümöümöch mi fokun amwarar, a lifang ngenikich lon püsin Nöün we mi achengicheng!

Tuteronomi 32:27

Nge üa oput än chon oputeer tunosikesik, pun repwe wewengau ren o apasa, ‘Püsin kich sa awinnakich, ei esap förien ewe Samol mi Lapalap.’

Josua 7:9

Pun ekewe chon Kanaan me chon ewe fanü meinisin repwe rong usun. Iwe, repwe pwelikeemila o nikeemila meinisin. Nge met en kopwe föri pwe epwe wor meninum me ren aramas?”