Jeremaia 14:3 - Chuukese Bible

³ Ekewe aramas tekia ra akünööla nöür chon angang pwe repwe üfüf koluk. Ra feila ren ekewe chönüttu, nge resap künakün koluk. Ra liwinsefäl fän ar kewe pör mi pöön. Ra pwölüela mökürer ren ar apilükingau me rükö.

Jeremaia 14:3 Iomraidhean Croise

2. Samuel 15:30

Iwe, Tafit a feitä won palen ewe chukun Olif nge kechü, esap ipweip sus, a pwal pwölü möküran asisilen an letipeta. Nge pwal ekewe aramas meinisin mi eti ra pwölü mökürer, ra feitä nge kechü.

2. Samuel 19:4

Iwe, ewe king a pwölüela mesan o leüömong le kechü, “Wo ko nei mwän Apsalom, Apsalom nei mwän, nei mwän.”

1. King 17:7

Nge mürin eu fansoun ewe öüwö a pwasatä, pun esap püng üt lon ewe fanü.

2. King 18:31

Iwe, ousap aüselinga alon Hiskia, pun ewe kingen Asiria a apasa pwe oupwe afisätä kinamwe ngeni o fangatä. Mürin, ämi meinisin oupwe ochoch seni püsin ämi irän wain me ämi irä fiik, oupwe pwal ünümi koluk seni püsin ämi chönüttu,

Ester 6:12

Mürin Mortokai a liwiniti asamalapen imwen ewe king. Nge Haman a müttir liwiniti imwan o pwölüela möküran fän an letipeta.

Hiop 6:20

nge lupwen ra tori ekewe öüwö, ra lichipüng o apilükingau. Ra apilüköch pwe repwe künökün koluk, nge esap wor.

Kölfel 109:29

Amwo ekewe chon atipisiei repwe pwölüla ren itengau, repwe pwölüla ren püsin ar säw usun ra pwölüla fän echö üf.

Kölfel 40:14

Amwo meinisin mi mochen nieila repwe säw o tolong lon fitikoko. Amwo chokewe mi tipeni ai üpwe feiengau repwe kulsefäl o itengau.

Jeremaia 14:4

Ewe pwül a sangang, pun esap püng üt won ewe fanü. Ekewe chon tanipi ra letipeta o pwölüela mökürer.

Jeremaia 15:18

Pwota ai metek esap ükütiu? Pwota kinasei a fokun momang? Ifa usun, kopwe usun chök eu öüwö mi alichipüngüei, pun kolukun lon ra morotä?”

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:37

Kopwe pwal kul seni Isip o rotiu fän om säw, pun ngang ewe Samol mi Lapalap üa oput chokewe ka eäniir apilükülük. Kosap feiöch rer.”

Jeremaia 20:11

Nge en, ai Samol mi Lapalap, ka nom rei usun chök eman sounfiu mi pöchökül. Iei mine ekewe chon ariaföüüei repwe chepetek, resap tongeni akufuei. Repwe fokun säw, pun esap pwönüetä ar mochen. Ar itengau esap tongeni manlüküla tori feilfeilachök.

Jeremaia 3:3

Iei mine esap chüen püng üt, nge ütten leres esap fis. Ka fen mesemau usun eman fin lisowu, kosap sile säw.

Kölün kechü 4:4

Chönawen ekewe mönükol ra pachetä fän fongochur pokiten ar kaka, ekewe semirit ra tütüngor ener mongö, nge esap wor eman a ngeniir.

Osea 2:3

Nge ika esap ükütiu, üpwe aseleloi o föri pwe epwe usun chök an selela lon ränin an uputiu. Üpwe föri pwe neminewe epwe wewe ngeni eu fanüapö me eu fanü mi pwas, iwe, epwe mäla ren an kaka.

Sowel 1:20

Pwal ekewe manmwacho ra siö ngonuk, pun esap chüen wor kolukun lon ekewe chanpupu.

Amos 4:7

Üa pwal amwöchü senikemi üt lon fansoun epwe fokun wor üt fän iten fotämi irä. Üa apüngätiu üt won eu telinimw, nge üsap apüngätiu won pwal eu. Üt a püngütiu won eu mälämäl, nge pwal ewe eu mälämäl esap püng üt won.

Amos 4:8

Iei mine aramasen ekoch telinimw ra feila ngeni pwal eu telinimw fän ar moror pwe repwe ün koluk, nge esap naf ngeniir. Iei mwo nge ämi ousap liwinto rei.

Sekaraia 14:17

Nge ika chon eu mwü me won fanüfan resap mochen feila Jerusalem pwe repwe fel ngeni ewe King, ewe Samol mi Unusen Manaman, esap püngütiu üt wor.