Jeremaia 14:2 - Chuukese Bible

² “Juta a letipeta, an kewe telinimw ra mwatötö. Ekewe aramasen Juta ra kechü lepwül, nge chon Jerusalem ra siö.

Jeremaia 14:2 Iomraidhean Croise

Hiop 34:28

Ir popun pwe ekewe chon wöüngau ra kökköri Kot pwe epwe alisiir, nge i a rongorong ar siö.

Kölfel 144:14

Amwo nöüch kewe pwiin kow repwe nöünöü chomong, nge esap mwet seniir nöür ika mä nöür. Amwo esap fis puchörün riaföü lon ach kewe al.

Ekistos 2:24

Iwe, Kot a rongorong ar siö o chechemeni an we pwon ngeni Apraham, Isaak me Jakop.

Aisea 15:5

Üa kechüeiti Moap. Chon ra sülong Soar me Eklat Selisia. Ra feitä nge kechü won ewe al mi pal a ale ngeni Lukit, nge won ewe al mi ale ngeni Horonaim ra leüömong le kökkö usun ewe feiengau.

Aisea 24:11

Aramas ra akürang won ekewe al, pun esap chüen wor ünümer wain. Iwe, pwapwa a wesila, esap chüen fis mwänek won ewe fanü.

Aisea 24:4

Iwe, fanüfan a aiolol o pwasala, unusen fanüfan a apwangapwangala. Läng a eti fanüfan le kirou.

Aisea 24:7

Ewe irän wain a pwasala, ewe wain a rosola, nge chon letipepwapwa ra ngüngü.

Aisea 3:26

Iwe, epwe wor kechü me ngüngüres lon ekewe asamalapen Jerusalem, pun ewe telinimw a fokun tala, nge aramasen lon resap chüen nom.

Aisea 33:9

Ewe fanü a aiolol o pwasapwas, ewe wöllapen Lepanon a pwasala. Ewe lemolun Saron mi pwülüöch a usun chök eu fanüapö, nge ekewe irä won Pasan me Karmel ra amworala chör.

Aisea 5:7

Iwe, än ewe Samol mi Unusen Manaman tanipin wain ekewe chon Israel, nge fotukian irä mi mürina ekewe chon Juta. A awiti pwe aramas repwe föri mine a mürina, nge ra chök nimanau. A awiti pwe repwe föri mine a pwüng, nge a chök rong kechüen riaföü pokiten pwüngingau.

Jeremaia 11:11

Iei mine ngang ewe Samol mi Lapalap üa üreniir pwe üpwe awarato feiengau wor, nge resap tongeni sü seni. Inamwo ika ra siö ngeniei, üsap aüselingeer.

Jeremaia 12:11

Ra awili ngeni eu fanüapö, a pöön o pwasapwas me fän mesei. Unusen ewe fanü a pö, nge esap wor eman a ekieki usun.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 18:22

Aramas repwe rongorong eu puchörün niuokus seni lon imwer kewe, lupwen kopwe müttir tinato wor eu mwichen chon angei pisek fän pöchökül. Pun ra tuw eu pwang pwe üpwe turulong lon, ra pwal soni eu likatup pwe pechei epwe fif lon.

Jeremaia 4:28

Ren ei fanüfan epwe letipeta, nge läng epwe cholola. Pun ngang üa kapas, nge üsap siwili ai ekiek, üa apwüngala mine üpwe föri, nge üsap akasiwili.”

Jeremaia 46:12

Chon ekewe mwü ra rongorong usun ämi itengau, aramas meinisin ra rongorong ämi siö. Eman sounfiu a chepetek won eman, ra turupöküla.”

Jeremaia 8:21

Lelukei a tatakis, pun nei aramas ra tatakis, üa ngüngüres o fokun rükö.

Kölün kechü 2:8

Ewe Samol mi Lapalap a apwüngala pwe epwe atatakisi tittin Sion. A aükü ewe leni ren eu selin aükük o pii pwe epwe unusen tala. A föri pwe ekewe imw tekia me ekewe tit ra tapök.

Kölün kechü 2:9

Ekewe asamalapen Sion ra irela fän ekewe ioien mettoch mi ta. Kot a kupi o atatakisi amwöchür kewe. Än Sion kewe king me ekewe samol ra oola lein chon ekewe mwü. Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.

Kölün kechü 5:10

Pokiten choun ewe echik ünüchem a pwichikar usun pwichin eu um.

Osea 4:3

Iei mine ewe fanü a pwasapwas, nge meinisin mi nonom won ra mäla fiti ekewe mönün lemäl me ekewe machang. Pwal ekewe ikenen leset ra mäla.

Sowel 1:10

Iwe, ekewe tanipi ra tala, nge ewe pwül a masua. Ekewe irän wiich ra tala, ewe wain me ewe apüra seni föün olif ra morola.

Sowel 1:11

Oupwe rükö, ämi chon tu pwül, oupwe pwal kechü, ämi chon tanipini irän wain. Oupwe kechüeiti ekewe irän wiich me parli, pun esap chüen wor resin fanüemi.

Sowel 1:14

Oupwe apini eu rän pwe oupwe echikefel lon, oupwe pwal körato aramas pwe epwe wor eu mwich mi pin. Oupwe achufengeni ekewe ätemirit me chon Juta meinisin, pwe repwe feito lon imwenfelin ewe Samol mi Lapalap ämi we Kot o siö ngeni.

Sowel 2:6

Iwe, lupwen aramas ra küneer, ra fokun rükö, nge won meser a wopwechepwechela ren ar niuokus.

Akai 1:11

Iwe, üa awarato eu fansoun pwasapwas won ewe fanü, won ekewe chukuchukutä me ekewe tanipin wiich, won ekewe tanipin wain me ekewe irä olif, pwal won meinisin mine a märitä won ewe fanü. Üa pwal awarato eu fansoun pwasapwas won aramas me man kana, pwal won ar angang meinisin.”

Sekaraia 7:13

Lupwen üa kapas, ir resap mochen rongorong, iei mine lupwen ir repwe iotek, ngang üsap mochen rongorong.

1. Samuel 5:12

Iwe, ekewe aramas resap mäla a üriir pwo, nge än chon ewe telinimw puchör a tori läng.

1. Samuel 9:16

“Lesor lon ei chök otun üpwe tinala reöm eman mwän seni ewe fanü Peniamin, ätewe kopwe epiti pwe epwe samol won nei kewe aramasen Israel. Epwe amanaua nei aramas seni ekewe chon Filistia. Pun üa küna ar riaföü, nge ar siö a toriei.”