Jeremaia 14:12 - Chuukese Bible

¹² Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 14:12 Iomraidhean Croise

Hiop 27:9

Ifa usun, Kot epwe aüselinga an siö, lupwen osukosuk epwe tori?

Än Salomon Fos 1:28

Mürin, oupwe kökköriei, nge ngang üsap pälüenikemi, oupwe tiliken le küttaei, nge ousap künaei.

Än Salomon Fos 15:8

Ewe Samol mi Lapalap a oput än ekewe aramasangau asor, nge a pwapwa ren än ekewe chon wenechar iotek.

Än Salomon Fos 21:27

Ewe Samol mi Lapalap a oput än eman aramasangau asor, nge a lapala an oput, lupwen a uwato an asor fän iten och ekiek mi ngau.

Än Salomon Fos 28:9

Are eman esap aleasochisi ekewe allük, Kot epwe oput an iotek.

Aisea 58:3

Iwe, ekewe aramas ra ais, “Pwota aipwe echikefel are kosap nenengenikem? Pwota aipwe püsin ariaföüükem are kosap memef ren?” Ewe Samol mi Lapalap a pälüeniir, “Lon ränin ämi echikefel oua chök püsin kütta winnemi o ariaföüü nöümi chon angang.

Jeremaia 11:11

Iei mine ngang ewe Samol mi Lapalap üa üreniir pwe üpwe awarato feiengau wor, nge resap tongeni sü seni. Inamwo ika ra siö ngeniei, üsap aüselingeer.

Jeremaia 11:14

Iei mine, Jeremaia, kosap iotek fän iten ekei aramas, kosap siö ika tüngor fän iter. Pun ngang üsap aüseling, lupwen ra köriei lon fansoun ar riaföü.

Jeremaia 15:1

Mürin, ewe Samol mi Lapalap a üreniei, “Inamwo ika Moses me Samuel ra ütä mwei o tüngormau ngeniei fän iten ekei aramas, letipei esap kul ngeniir. Kopwe tinirela seni fän mesei o afeilaar.

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 21:6

Üpwe nifengeni aramasen ei telinimw me man. Repwe mäla ren eu mätter mi watte.

Jeremaia 24:10

Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 6:20

Met popun pwe ra uwato rei apach mi pwokus seni Sepa, ika ekewe nofitin mongö mi arar seni fanü toau? Üsap etiwa ar asoren kek, üsap pwal pwapwa ren ar kewe asor.

Jeremaia 8:13

Üa mochen achufengeni nei aramas usun eman aramas a achufengeni kinian ua. Nge ir ra usun chök efoch irän wain ika efoch irä fik esap wor uar, pwal chör ra pwasala. Iei mine üa mwüt ngeni ekewe chon ekis pwe repwe angei fanüer. Ngang ewe Samol mi Lapalap üa kapas.”

Jeremaia 9:16

Üpwe atoropaseer lein chon ekewe mwü, ir me ar kewe lewo resap sileer me mwan. Üpwe pwal tinala mürir mwichen sounfiu, pwe repwe maun ngeniir tori üpwe aroserela.”

Isikiel 14:19

Are üpwe tinala mätter lon ewe fanü o niela chomong lon ai lingeringer, pwe aramas me man repwe ärela,

Isikiel 14:21

Ewer, iei alon Kot ewe Samol mi Lapalap, “Epwe fen ifan feiengauen chon Jerusalem, lupwen üpwe tinala rer ai kewe rüanü feiengau mi watte, maun, lengita, manmwacho me mätter, pwe üpwe arosala aramas me man?

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Osea 5:6

Ra uwato nöür sip me kow pwe ar asor ngeni ewe Samol mi Lapalap, nge resap feiöch ren. Ra kütta i, nge resap küna, pun a feil seniir.

Amos 5:21

Ewe Samol mi Lapalap a üra, “Üa oput ämi kewe chulap mi pin. Üsap fokun pwapwaitiir.

Mika 3:4

Mürin ekewe souemwen repwe siö ngeni ewe Samol mi Lapalap, nge i esap palüeniir. Lon ena fansoun epwe amona mesan seniir, pun ra föri föför mi ngau.

Sekaraia 7:13

Lupwen üa kapas, ir resap mochen rongorong, iei mine lupwen ir repwe iotek, ngang üsap mochen rongorong.

Malakai 1:10

Iei alon ewe Samol mi Unusen Manaman, “Amwo epwe wor eman me leimi epwe apüngala ekewe asamalap, pwe ousap akümwäli ekkei me won ai rongen asor. Üsap pwapwaitikemi, üsap etiwa eu asor seni lepöümi.

Malakai 2:13

Iwe, mi pwal wor och oua föri: Oua achöchönü än ewe Samol mi Lapalap rongen asor ren chönün mesemi, ren kechü me ngüngüres, pun i esap chüen ekieki ekewe asor ika etiweer seni lepöümi.

Pwärätä 6:8

Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.