Jeremaia 14:10 - Chuukese Bible

¹⁰ Iei alon ewe Samol mi Lapalap fänäsengesin ekei aramas, “Ra fokun sani ar repwe feil seniei, resap tongeni nemeni pecher. Iei mine ngang üsap etiweer. Üpwe chechemeni ar föföringau o apwüngüür pokiten ar kewe tipis.”

Jeremaia 14:10 Iomraidhean Croise

1. King 17:18

Iwe, neminewe a üreni Elias, “En aramasen Kot, pwota ka föri iei usun ngeniei? Ka feito pwe kopwe achema ngeni Kot ai kewe tipis pwe nei we ät a mäla.”

Kölfel 119:101

Üsap föri sokun föför mi ngau, pun üa aleasochisi om kewe kapas.

Kölfel 95:10

Lon ükükün faik ier üa song ngeni ei täppin aramas o üra, “Ir eu mwichen aramas mi tokola leluker. Resap fokun mochen aleasochisi ai kewe allük.”

Ekistos 32:34

Iei kopwe feila. Kopwe emwenala ekewe aramas ngeni ewe leni üa fen kapas ngonuk usun. Nengeni, nei chon läng epwe akom mwom. Nge epwe war ewe fansoun üpwe liwini ngeniir liwinin ar tipis.”

Jeremaia 2:36

Pwota a fokun mecheres ngonuk om kopwe siwili alom? Kopwe lichipüng ren chon Isip, usun ka fen lichipüng ren chon Asiria.

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Jeremaia 31:34

Esap wor eman epwe chüen aiti ngeni chon arun ika pwiin an epwe sileei, pun ir meinisin repwe sileei seni ewe mi kis tori ewe mi lap. Iwe, üpwe amusala ar föföringau, nge üsap chüen chechemeni ar tipis. Ngang ewe Samol mi Lapalap üa kapas.”

Jeremaia 6:20

Met popun pwe ra uwato rei apach mi pwokus seni Sepa, ika ekewe nofitin mongö mi arar seni fanü toau? Üsap etiwa ar asoren kek, üsap pwal pwapwa ren ar kewe asor.

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Isikiel 29:16

Iwe, ekewe chon Israel resap chüen apilükülükü Isip, nge mine a fis ngeni Isip epwe achema ngeniir tipisin ar kütta alilisir seni. Mürin, chon Israel repwe silei pwe ngang Kot ewe Samol mi Lapalap.”

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Osea 11:9

Üsap apwüngükemi ren ai song mi fokun watte, üsap ataasefäli Israel. Pun ngang Kot, nge sap eman aramas. Ngang Ewe mi Pin mi nom leimi. Üsap feito pwe üpwe kata.

Osea 7:13

Feiengauer, pun ra rik seniei. Repwe mäfeiengau, pun ra ü ngeniei. Üa mochen angaserela, nge ra chök eäni kapas chofana usi.

Osea 7:2

Nge resap ekieki pwe üa chechemeni ar kewe föföringau meinisin. Iei ar kewe tipis ra pweli ünükür, ra nom fän mesei iteiten fansoun.

Osea 8:13

Ra uwato ar asor ngeniei o ochoch fituken ewe mönün asor. Nge ngang ewe Samol mi Lapalap üsap pwapwaitiir. Iei üpwe chechemeni ar kewe föföringau o apwüngüür fän iten ar tipis. Repwe liwinsefäliti Isip.

Osea 9:9

Än ekewe aramas föför ra fokun ngauala usun chök ngauen ewe föför a fis me lon Kipea. Kot epwe chechemeni ar föföringau o ngeniir liwinin ar tipis.

Amos 3:2

“Ämi chök üa filikemiitä seni lein chon ekewe mwü meinisin won fanüfan. Nge pokiten ämi kewe tipis ra kon fokun ngau, iei mine üpwe fokun apwüngükemi.”

Amos 5:22

Inamwo ika oua eäni asoren kek ngeniei me asoren mongö, ngang üsap etiweer. Üsap pwal nenengeni ämi eäni asoren kinamwe nöümi mönün asor mi kitinup.

Ipru 8:12

Pun üpwe amusala ar tipis, nge üsap chüen chechemeni ar kewe föför mi ngau.”

1. Samuel 15:2

Iei alon ewe Samol mi Unusen Manaman, ‘Üpwe apwüngü ekewe chon Amalek pokiten ar kewe lewo ra ü ngeni chon Israel, lupwen ra towu seni Isip.