Jeremaia 13:9 - Chuukese Bible

⁹ A apasa, “Iei usun üpwe aükätiu än chon Juta me chon Jerusalem lamalamtekia mi fokun watte.

Jeremaia 13:9 Iomraidhean Croise

Än Salomon Fos 16:18

Lamalamtekia a akom mwen feiengau, nge tunosikesik a akom mwen än eman tur.

Aisea 16:6

Chon Juta ra apasa, “Sa rong usun lamalamtekian ekewe chon Moap, usun ar sikesik me ar aingaing. Ar kapasen tunomong a chök mwakel.”

Aisea 23:9

Iwe, ewe Samol mi Unusen Manaman a ekiekietä ewe feiengau, pwe epwe awesi ar lamalamtekia ren mine ra föri, epwe pwal atekisona chokewe mi iteüöch won fanüfan.

Jeremaia 13:8

Mürin, ewe Samol mi Lapalap a kapassefäl ngeniei.

Jeremaia 25:18

Üa aünü ngeni Jerusalem me ekewe telinimwen Juta, ngeni ar kewe king me nöür kewe nöüwis, pwe ekewe leni repwe wiliti eu leni mi ta o pöön, aramas repwe rükö rer, repwe turunufaseer o eäniir kapasen ottek, usun a chüen fis tori ei fansoun.

Jeremaia 48:29

Chon Moap ra fokun lamalamtekia. Üa rongorong usun ar ürannang, ar lamalamtekia me ar tunosikesik, pwal usun tipetekian leluker.

Isikiel 16:50

Iwe, ra lamalamtekia o föri föför mi anioput me mwei. Iei mine üa aroserela, lupwen üa küna ar kewe föför.

Isikiel 16:56

Ifa usun, kosap eäni kapasen lamalamtekia ngeni pwiüm Sotom lon fansoun om lamalamtekia,

Lifitikos 26:19

Iwe, üpwe aükätiu ämi lamalamtekia me ülöförea. Üpwe föri pwe üt esap püngütiu won fanüemi, nge ewe fanü epwe pwasapwas o pöchökül usun mächä.

Nahum 2:2

Pun ewe Samol mi Lapalap epwe aworasefäli lingen Israel, pwe epwe usun chök me mwen än chon oputan feito o soläni pisekin.

Sefanaia 3:11

Lon ena fansoun ousap chüen säw pokiten oua ü ngeniei. Pun üpwe atowu seni me leimi chokewe mi lamalamtekia o tunosikesik, pwe ousap chüen ü ngeniei me won chuki mi pin.

Lukas 18:14

Jesus a apasa, “Üpwe ürenikemi, ei chon ioni takises a küna pwüng fän mesen Kot lupwen a liwinla lon imwan, nge sap ewe Farisi. Pun iö a püsin atekiatä epwe küna tekison, nge iö a püsin atekisonatiu epwe küna tekia.”

James 4:6

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”