Jeremaia 13:21 - Chuukese Bible

²¹ Met kopwe apasa, are chokewe ka aita ngeniir pwe chiechiom ra liapenuk o nemenuk? Ifa usun, esap cheruk cheuch usun cheuchen fam a cheri eman fefin?

Jeremaia 13:21 Iomraidhean Croise

2. King 16:7

Iwe, Ahas a tinala chon künö ren Tiklat-pileser ewe kingen Asiria o üra, “Ngang noum chon angang mi nom fän nemenemom. Kopwe feito o amanauaei seni ewe kingen Siria, pwal seni ewe kingen Israel mi maun ngeniei.”

Aisea 10:3

Iwe, met oupwe föri lon ränin apwüng, lupwen feiengau epwe torikemi seni toau? Iö oupwe süla ren pwe epwe alisikemi, nge ia oupwe aopa wöümi ie?

Aisea 13:8

repwe pwal fokun apilükülükingau. Iwe, weires me metek epwe toriir, repwe cheuch usun eman fefin a tori an cheuchen fam. Repwe nenefengen lefiler fän niuokus, nge won meser epwe woparapar.

Aisea 21:3

Ren ei inisi a fokun metek, och cheuch a cheriei usun cheuchen fam a cheri eman fefin. Üa fokun niuokus ren mine üa rongorong, üa rükö ren mine üa küna.

Jeremaia 2:25

Kopwe tümwünü pwe pecheöm esap malülü ika chiorom esap pwasapwas ren om tap me mürin pwal ekoch kot. Nge en ka apasa, ‘Üsap chüen tongeni kulsefäl. Üa echeni ekewe koten ekis, üpwe chök tapwela mürir.’

Jeremaia 22:23

Ämi mi nom won ewe chuk Lepanon o imweimw imwesetar, oupwe fokun ngüngü, lupwen cheuch a cherikemi, eu cheuch usun cheuchen fam a cheri eman fefin.

Jeremaia 30:6

Iei oupwe ais o ekieki. Ifa usun, a tufich än eman mwän epwe nöünätiu eman semirit? Pwota üa küna pwe ekewe mwän meinisin ra anomu pöür won wilar usun eman fefin mi cheri an cheuchen fam? Pwota won meser a wopwechepwechela?

Jeremaia 38:22

Üa küna pwe ra emwenawu ekewe fefin meinisin mi chüen nom lon imwen ewe kingen Juta ren nöün ewe kingen Papilon kewe nöüwis. Ekewe fefin repwe apasa ngonuk, ‘Chiechiom kewe ka lüküür ra atupuk, en king, ra pwal pworaituk. Iei pecheöm ra kokotiu lon pwakak, nge ir ra kul senuk.’

Jeremaia 4:30

Nge en, Jerusalem mi feiengau, met ka föri? Pwota ka üföüf üf mi parochol? Pwota ka foutei ngonuk fout seni kolt o teikei won mesom? A solap om alinga inisum. Noum kewe kamwet ra oputok o mochen angei manauom.

Jeremaia 4:31

Üa rongorong eu puchör usun puchörun eman fefin mi tori an cheuchen fam, eu puchör fän riaföü usun puchörün eman fefin mi nöünätiu aemanün nöün. Üa rongorong puchörün Sion mi ngasalap, a aitiewu pöün o apasa, “Feiengauei, üa masaroch, nge chon niela aramas repwe angeala manauei.”

Jeremaia 48:41

Epwe liapeni ekewe telinimw me ekewe imwen maun mi pöchökül. Lon ena rän, ekewe sounfiun Moap repwe niuokus usun chök eman fefin, lupwen a tori an cheuchen fam.

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 6:24

Ekewe aramasen Jerusalem ra apasa, “Sa rongorong ei pworaus, pöüch ra chök ititiu. Niuokus watte a torikich, pwal cheuch a cherikich usun cheuchen fam a cheri eman fefin.

Isikiel 28:9

Ifa usun, kopwe chüen apasa fän mesen chokewe mi niik, pwe en eman kot? Iwe, ka chök eman aramas, sap eman kot me ren chokewe mi niik.

Mateus 24:8

Ekei riaföü meinisin ra usun chök ekewe metek eman fefin a eäni me mwen an epwe nöünöüla.

1. Tesalonika 5:3

Lupwen aramas ra apasa, “Mettoch meinisin a kinamwe o nükünüköch”, mürin feiengau epwe müttir toriir usun cheuchen fam a tori eman fefin, nge esap wor eman aramas epwe tongeni sü seni.