Jeremaia 13:19 - Chuukese Bible

¹⁹ Ekewe telinimwen Juta mi nom ör ra tala, nge esap wor eman a nom pwe epwe aüsefäliretä. Chon Juta meinisin ra oola, fokun meinisin ra oola.”

Jeremaia 13:19 Iomraidhean Croise

2. King 25:21

Nge ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

1. Kronika 9:1

Iwe, chon Israel meinisin a mak iteiter lon tettelin uruwor o makelong lon ewe puken uruwon ekewe kingen Israel. Iwe, chon Juta ra oola Papilon pokiten ar tipis.

Hiop 12:14

Are Kot a ataela och, iö epwe tongeni aüsefälietä? Are i a kalapusei eman, iö a tongeni amusa?

Jeremaia 17:26

Iwe, ekewe aramas repwe feito seni ekewe telinimwen Juta me ekewe leni pwelin ünükün Jerusalem, seni ewe fanü Peniamin me ewe fanü Sefela, seni ewe fanü mi chukuchukutä me ewe fanü Nekep. Repwe uwato lon imwenfelin ewe Samol mi Lapalap asoren kek me sokun asor, asoren mongö me apach mi pwokus, pwal ekewe asoren kilisou.

Jeremaia 20:4

Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 24:1

Iwe, mürin än Nepukatnesar ewe kingen Papilon a uweela seni Jerusalem Jehoiachin ewe kingen Juta nöün Jehoiakim we mwän fiti ekewe nöüwisen Juta, ekewe soufalafal me ekewe chon angang ngeni mächä, o uweerela Papilon, ewe Samol mi Lapalap a pwäri ngeniei künaei. Üa küna ruu chükün föün fiik ra nom mwen ewe imwenfelin ewe Samol mi Lapalap.

Jeremaia 28:4

Üpwe pwal aliwinato ngeni ei leni Jehoiachin ewe kingen Juta nöün Jehoiakim we mwän me ekewe chon oola meinisin seni Juta mi feila Papilon, pun üpwe kupi ewe waas än ewe kingen Papilon. Ngang ewe Samol mi Lapalap üa kapas.”

Jeremaia 32:44

Aramas repwe möni ekewe tanipi ren moni, repwe saini ekewe toropwen atipeeuin kamö, repwe impwangei o appacha me fän mesen chon pwärätä. Ei epwe fis lon ewe fanü Peniamin, lon ekewe sop ünükün Jerusalem, lon ekewe telinimwen Juta, lon telinimwen ewe fanü mi chukuchukutä, pwal lon telinimwen ewe fanü mi chukutekison me ewe fanü Nekep. Üpwe aliwinisefäli ekewe aramas ngeni fanüer. Ngang ewe Samol mi Lapalap üa kapas.”

Jeremaia 33:13

Lon ekewe telinimwen ewe fanü mi chukuchukutä, lon telinimwen ewe fanü mi chukutekison me ewe fanü Nekep, lon ewe fanü Peniamin me ekewe sop ünükün Jerusalem, pwal lon ekewe telinimwen Juta chon mas repwe aleanisefäli nöür pwiin sip. Ngang ewe Samol mi Lapalap üa kapas.”

Jeremaia 39:9

Mürin, Nepusaratan ewe meilapen chon tümwünü ewe king a uweela Papilon ekewe lusun aramas mi chüen nom lon ewe telinimw fiti chokewe mi sü ngeni me mwan.

Jeremaia 52:27

Iwe, ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

Jeremaia 52:28

Iwe, iei iteiten ekewe aramas Nepukatnesar a uweerela: Lon afisuen ierin mwün Nepukatnesar a uweela ükükün ülüngeröü rüe me ülüman chon Juta.

Jeremaia 52:30

Iwe, lon rüe me ülüngatin ierin mwün Nepukatnesar, Nepusaratan a uweela ükükün füpükü faik me limman chon Juta. Iwe, iteiter meinisin rüanüngeröü wonopükü.

Kölün kechü 1:3

Chon Juta ra oola o nom lon riaföü me angang weires. Ra nonom lein chon ekewe mwü, nge resap küna eu lenien asösö. Chokewe meinisin mi tapweriir ra tokumweer, nge esap wor efoch al repwe tongeni süla won.

Sekaraia 7:7

Ifa usun, sap ikkei alon ewe Samol mi Lapalap ekewe soufosun lom ra asilefeili, lupwen Jerusalem a so o wöümong fiti ekewe telinimw pwelin ünükün, pwal lupwen ewe fanü ör me ewe fanü lotou mi maasies a so?

Tuteronomi 28:15

“Nge are ousap aleasochisi alon ewe Samol mi Lapalap ämi we Kot, ousap pwal tümwünüöchü le apwönüetä an kewe allük me pwüüng meinisin üa allük ngenikemi ikenai, mürin ekei anümamau repwe feito womi o nonom mwemi.

Tuteronomi 28:52

Iwe, repwe pwelifeili fän pisekin maun ämi kewe telinimw meinisin me lon unusen fanüemi ewe Samol mi Lapalap epwe ngenikemi, tori ämi kewe tit mi tekia o pöchökül oua eäniir apilükülük repwe turula.

Josua 18:5

Repwe ineti ewe fanü lon fisu kinikin. Iwe, chon ewe ainangen Juta repwe chök nom lon fanüer me ör, nge chon ewe ainangen Josef repwe nom lon fanüer me efeng.