Jeremaia 13:18 - Chuukese Bible

¹⁸ Iwe, ewe Samol mi Lapalap a üreniei, “Kopwe üreni ewe king me inelapan we pwe repwe tötiu seni ar lenien motun king, pun mwärir mwärin king mi ling a turutiu seni won mökürer.

Jeremaia 13:18 Iomraidhean Croise

2. King 24:12

Iwe, Jehoiachin ewe kingen Juta a fangatä ren ewe kingen Papilon, i me inan, nöün chon angang me ekewe aramas tekia, pwal nöün kewe nöüwis meinisin. Lon awaluen ierin mwün, Nepukatnesar a fötekini Jehoiachin,

2. King 24:15

Nepukatnesar a uwala Jehoiachin seni Jerusalem tori Papilon, fiti inen ewe king me pwülüan kewe, nöün kewe nöüwis me ekewe souakomwen ewe fanü.

2. Kronika 33:12

Nge lupwen Manasa a nom lon riaföü, a tüngor pwe ewe Samol mi Lapalap än an kewe lewo we Kot epwe ümöümöch ngeni, a pwal fokun atekisonätiu me fän mesan.

2. Kronika 33:19

Än Manasa iotek, pwal usun än Kot etiwa an tüngor, an kewe tipis meinisin me an kirikiringau, pworausen ekewe leni tekia ia a aüetä ie ekewe lenien fel, pwal usun an aüetä uluulun ewe anüfefin Asera me ekewe uluulun anümwäl mwen an ekieksefäl, meinisin a makelong lon puken uruwon ekewe soufos.

2. Kronika 33:23

Nge esap atekisonätiu o kul ngeni ewe Samol mi Lapalap, usun Manasa saman we a föri. Nge ei mwän Amon a chök alapala an tipis.

Ekistos 10:3

Iwe, Moses me Aaron ra feila ren Farao o üreni, “Iei alon ewe Samol mi Lapalap än chon Ipru we Kot, ‘Ifa ükükün fansoun om kosap mochen atekisonok me fän mesei? Kopwe mwüt ngeni nei aramas pwe repwe feila o fel ngeniei.

Ekistos 39:28

Ra pwal tei ewe akkaw mi watte me ekewe mi kükün, pwal ekewe rauesesin lon seni mangaku mi mürina o pwechepwech.

Än Salomon Fos 27:24

pun wöü esap nonom tori feilfeilachök. Pwal ekewe mwü resap nonomola tori ekewe täppin aramas meinisin.

Aisea 3:20

mwärämwärin won mökürer me lälän pecher, pwal chomong sokun rumen epit me omunger,

Aisea 3:26

Iwe, epwe wor kechü me ngüngüres lon ekewe asamalapen Jerusalem, pun ewe telinimw a fokun tala, nge aramasen lon resap chüen nom.

Aisea 47:1

Ewe Samol mi Lapalap a apasa, “Kopwe tötiu o mot won pwül, en Papilon. Kopwe mot won pwül, nge kosap chüen mot won lenien motun king. Me lom ka eu telinimw esap wor eman a tongeni liapenuk, ka usun chök eman föpwül esamwo tori mwän. Nge iei aramas resap chüen üra usum, pwe en eman mi sengesengöch o kitinup.

Jeremaia 22:24

Iei alon ewe Samol mi Lapalap ngeni Jehoiachin ewe kingen Juta nöün Jehoiakim we mwän, “Mwo manauei, inamwo ika kopwe wewe ngeni efoch ringen pwau mi nom won pöüifichi, üpwe chök üttukowu

Jeremaia 22:26

Üpwe säsikemiila me inom mi nöünuk lon eu fanü ewe ia ousap uputiu me ie, iwe, oupwe mäla ikenan.

Jeremaia 29:2

A makei ei toropwe mürin än ewe king Jehoiachin me inelapan, ekewe nöüwisen lon imwen king me ekewe souemwenin Juta me Jerusalem, ekewe soufalafal me ekewe chon angang ngeni mächä ra oola.

Jeremaia 36:16

Iwe, lupwen ra rongorong masouen ewe toropwe, ra sapefengen lon ar niuokus o üreni Paruk, “Äm aipwe asile ngeni ewe king ekei kapas.”

Kölün kechü 1:6

Ekewe ling meinisin ra sü seni Sion. Nöün kewe samol ra usun chök chia resap küna anaia repwe mongö ie. Ra sü me mwen ekewe chon tapweriir, nge esap wor ar pöchökül.

Kölün kechü 1:9

An limengau a nom lon üfan, nge i esap ekieki an feiengau. Iei mine an turula a fokun afeiengau, esap wor eman a achipa. “Ai Samol mi Lapalap, kopwe nenengeni ai riaföü, pun ewe chon oputaei a win.”

Kölün kechü 2:10

Ekewe souakomwen Sion ra mot won pwül fän mosonoson. Ra tukotukotä pwül won mökürer o üföüf üf seni tuk, pwe asisilen ar letipeta. Ekewe föpwülün Jerusalem ra rotiu lepwül.

Kölün kechü 5:16

Esap chüen wor och mine aipwe eingeing won. Feiengauem, pun äm aia tipis.

Isikiel 16:12

ringen won pwötum me niouten won selingom, üa pwal ämwärämwära ngeni mökürom epa mwärämwär mi fokun ling.

Isikiel 21:26

Iei aloi ngang Kot ewe Samol mi Lapalap: Repwe angei senuk filifilin mökürom, pwal ewe mwärin king. Mettoch meinisin repwe siwil. Chokewe mi tekison repwe tekia, nge chokewe mi tekia repwe tekison.

Isikiel 24:17

Kopwe ngüngü, nge kosap leüömong. Kosap pwärätä om letipeta ren ewe mi mäla. Kopwe filiti mökürom, kopwe pwal ipweip sus, nge kosap pwölüela alüsom, kosap pwal mongö seni mine aramas ra uwato reöm.”

Isikiel 24:23

Oupwe filiti möküremi, oupwe pwal ipweip sus. Ousap ngüngüres ika kechü, nge oupwe apwangapwangala pokiten ämi tipis, oupwe pwal ngüngü lefilemi.

Isikiel 44:18

Repwe filiti mökürer ngeni mangaku mi pwechepwech, repwe pwal aea rauses seni mangaku mi pwechepwech, nge resap üföüf üf ra pwichikar o molon ren.

Taniel 5:20

Nge lupwen a lamalamtekia o ülöförea, ewe king a tur seni wisan wisen king, nge lingan a pöüt seni.

Sona 3:6

Nge lupwen ewe pworaus a tori ewe kingen Ninifa, a ütä seni an lenien motun king, a pwilitawu üfan üfen king o üföüf üf seni tuk, a pwal mot lon falangen ekkei.

Mateus 18:4

Iei mine iö a püsin atekisona pwe epwe wewe ngeni ei semirit, i ewe mi lap seni meinisin lon Mwün Läng.

James 4:10

Oupwe püsin atekisonakemi mwen mesen ach Samol, iwe, i epwe atekiakemiitä.

1. Petrus 5:6

Iei mine oupwe atekisonakemi fän pöün Kot mi manaman, pwe epwe atekiakemi lon an fansoun mi fich.