Jeremaia 13:14 - Chuukese Bible

¹⁴ Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

Jeremaia 13:14 Iomraidhean Croise

2. Kronika 20:23

Iwe, ekewe re Amon me Moap ra maun ngeni ekewe re Etom o wesewesen aroserela. Nge lupwen ra wes le aroserela, ra püsin sapefengen o nifengeniir.

Hiop 27:22

Än Kot asepwäl a fokun eniti, nge esap wor tong lon, iei mine ätewe a müttir süla ren pöchökülan.

Kölfel 2:9

Kopwe atarela ren efoch wokomächä, kopwe amökkükisiretiu usun eu sepi mi för seni pwül.”

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Jeremaia 15:5

Iei alon ewe Samol mi Lapalap, “Iö epwe tongeekemi, ämi chon Jerusalem, ika iö epwe lolilenäsinikemi? Iö epwe üla o ais usumi?

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 16:5

Kosap tolong lon imwen chon letipeta, kosap feila rer pwe kopwe kechü o achipeer, pun ngang üa angei seni ekei aramas ai kinamwe, ai tong ellet me ai ümöümöch.

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 25:16

Repwe ün o taroporop, repwe puchala ren pokiten ewe maun üpwe tinala leir.”

Jeremaia 47:3

Ekewe semelap resap nenesökür pwe repwe alisi nöür, pöür ra chök ititiu, lupwen ra rongorong chopuchopun pechen ekewe oris, akürangen ekewe wokenin maun me üngüngün willer kewe.

Jeremaia 48:12

Iei mine epwe war ewe fansoun, lupwen üpwe tinala aramas repwe niinawu Moap usun ach niinawu wain. Repwe apöwu seni lon lenian o amökkü ekewe pör. Ngang ewe Samol mi Lapalap üa kapas.

Jeremaia 6:21

Iei mine üpwe anomu me mwen ekei aramas eu lenien chepetek, pwe repwe chepetek won. Ekewe sam pwal nöür kewe mwän, chon arur me chiechier repwe mäfeiengauepök.”

Kölün kechü 2:21

Ekewe ät me ekewe chinlap ra mätiu won ekewe al. Ekewe föpwül me ekewe alüal ra mäla ren ketilas. Ka nirela lon ränin om song, ka nirela, nge kosap ümöümöch ngeniir.

Isikiel 24:14

Ngang ewe Samol mi Lapalap üa kapas. A war ewe fansoun fän itei pwe üpwe apwönüetä mine üa apasa. Üsap piit, üsap pwal eäni tong ika lamalamala. Üpwe apwünguk won om kewe föför meinisin,” Iei alon Kot ewe Samol mi Lapalap.

Isikiel 7:3

Israel, iei a tori sopolom. Iei üpwe fokun song ngonuk, pun üpwe apwünguk won ükükün om föför, üpwe pwal liwini ngonuk liwinin om föför mi anioput.

Isikiel 7:4

Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap.”

Isikiel 7:9

Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap, ewe mi afeiengauok.”

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Isikiel 9:10

Iei mine üsap achikeer, üsap pwal tongeer, nge üpwe liwini ngeniir ükükün liwinin ar kewe föför meinisin.”

Isikiel 9:5

Iwe, üa rongorong pwe Kot a apasa ngeni pwal ekewe ekoch mwän, “Oupwe tapwela mürin ätei lon ei telinimw o niela ekewe aramas. Ousap achikeer, ousap pwal tongeer.

Osea 2:4

Üsap pwal tongei nöün kana, pun ir nöün eman fin lisowu.

Sekaraia 11:6

Iei alon ewe Samol mi Lapalap, “Üsap chüen tongei chon ei fanü. Üpwe föri pwe eman me eman aramas epwe tolong fän nemenien chon arun, pwal fän nemenien an king. Iwe, ir repwe ataela ewe fanü, nge ngang üsap angaseer seni lepöür.”

Mateus 10:21

Iwe, pwipwi repwe afangamä pwiir ngeni mäla, eman sam epwe afangamä nöün. Nge ekewe nau repwe ü ngeni semer me iner o aturuur pwe repwe ninnila.

Markus 13:12

Iwe, pwipwi repwe afangamä pwiir ngeni mäla, eman sam epwe afangamä nöün, nge ekewe nau repwe ü ngeni semer me iner o aturuur, pwe repwe ninnila.

Tuteronomi 29:20

Iwe, ewe Samol mi Lapalap esap amusala än ätewe tipis. An song me an lukomong epwe küw ewe mwän, nge ekewe anümamau meinisin ra mak lon ei puk repwe nonom won, tori ewe Samol mi Lapalap epwe amoola itan seni won fanüfan.

1. Samuel 14:16

Iwe, nöün Saul chon mas mi nom Kipea lon ewe fanü Peniamin ra küna pwe chomong aramasen Filistia ra säfetal fän ar osukchöü.