Jeremaia 13:13 - Chuukese Bible

¹³ Mürin kopwe üreniir pwe ngang ewe Samol mi Lapalap üpwe aünü chon ei fanü meinisin wain tori repwe pulas. Ekewe king ir mwirimwirin Tafit, ekewe souasor, ekewe soufos me chon Jerusalem meinisin repwe ün.

Jeremaia 13:13 Iomraidhean Croise

Kölfel 60:3

Ka ariaföüü noum aramas ren riaföü mi chou, ka aünü ngenikem wain pwe äm aia taroporopfetal ren.

Kölfel 75:8

Ewe Samol mi Lapalap a amwöchü eu kap lepöün, a ur ren wain mi pwichikar, iei än Kot song. A ninätiu, nge ekewe aramasangau meinisin won fanüfan ra ünümi. Ra ünümala meinisin tori amüchülan sosoon.

Aisea 29:9

Oupwe weitifengenikemi o nonom lon niuokus. Oupwe püsin achunakemi pwe oupwe chun. Oupwe puchala, nge sap ren wain, oupwe mwaroro, nge sap ren sakau.

Aisea 49:26

Üpwe föri pwe ekewe chon ariaföüuk repwe ochefengeni fituker, repwe pwal puch ren püsin char usun ar puch ren wain. Mürin aramas meinisin repwe silei pwe ngang ewe Samol mi Lapalap om Chon Amanau pwal om Chon Angasa. Ngang än chon Israel we Kot mi manaman.”

Aisea 51:17

Kopwe nela o pwätä, en Jerusalem, en mi ün seni än ewe Samol mi Lapalap kapen apwüng, a aünü ngonuk fän an song. Ka pwal apöla lölön ewe kap, iwe, ka mwäliel ren.

Aisea 51:21

Iei mine kopwe rongorong ei kapas, en mi riaföü, ka puchala, nge sap ren wain.

Aisea 63:6

Üa purätiu chon ekewe mwü fän ai song, üa pwal apucheer ren ai lingeringer o föri pwe char a suputiu lepwül.”

Jeremaia 13:12

Iwe, ewe Samol mi Lapalap a üreniei, “Kopwe üreni ekewe aramas pwe iei alon ewe Samol mi Lapalap ewe Koten Israel, ‘Iteiten pör epwe ur ren wain.’ Iwe, repwe ürenuk, ‘Ifa usun, äm aisap silei pwe iteiten pör epwe ur ren wain?’

Jeremaia 25:27

Mürin, ewe Samol mi Lapalap a üreniei, “Kopwe kapas ngeni ekewe aramas pwe iei alon ewe Samol mi Unusen Manaman, ewe Koten Israel, ‘Oupwe ün tori oupwe pulas o mus. Oupwe turula, nge ousap chüen ütäsefäl pokiten ewe maun üpwe tinala remi.’

Jeremaia 25:29

Pun nengeni, üpwe popuetä ewe angangen kata me lon ei telinimw mi föü itei won. Nge ifa usun, üsap pwal apwüngükemi? Üpwe fokun apwüngükemi, pun üpwe awarato maun ngeni chon fanüfan meinisin. Ngang ewe Samol mi Unusen Manaman üa kapas.’

Jeremaia 51:57

Üpwe apucha ekewe nöüwisen Papilon me nöün kewe soutipachem, nöün kewe kepina, nöün kewe meilap me nöün kewe sounfiu. Repwe möürüfochola, nge resap chüen pwök. Ngang ewe King itei ewe Samol mi Unusen Manaman üa kapas.

Jeremaia 51:7

Papilon a wewe ngeni eu kap kolt lon pöün ewe Samol mi Lapalap, a föri pwe chon fanüfan meinisin repwe sakawala ren. Chon ekewe mwü ra ün wain seni o umwesila ren.

Apakuk 2:16

Iei kopwe pwölüla ren säw, nge sap ren ling. Kopwe püsin ün o taroporopfetal. Ewe Samol mi Lapalap epwe aünü ngonuk püsin om kapen feiengau, nge om ling epwe wiliti säw.