Jeremaia 12:9 - Chuukese Bible

⁹ Nei aramas ra wewe ngeni eman machang mi tiketik, nge ekewe machang mi mwacho ra feito seni ekis meinisin o fiu ngeni. Kopwe feila o achufengeni ekewe manmwacho meinisin pwe repwe feito o ochoch.

Jeremaia 12:9 Iomraidhean Croise

2. King 24:2

Iwe, ewe Samol mi Lapalap a tinala mwichen sounfiu seni Papilon, Siria, Moap me Amon, pwe repwe maun ngeni Jehoiakim o ataela ewe fanü Juta, usun nöün kewe chon angang ekewe soufos ra fen apasa fän alon.

Aisea 2:11

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Aisea 2:12

Pun ewe Samol mi Unusen Manaman epwe awara eu ränin an epwe apwüngü aramas meinisin mi lamalamtekia o tunosikesik, nge meinisin mi tekia repwe küna tekison.

Aisea 56:9

Ämi mönün lemäl pwal ämi mönün lein wöllap, oupwe feito o mongö.

Jeremaia 15:3

Ngang ewe Samol mi Lapalap üpwe awisa rüanü sokun feiengau repwe toriir: Repwe mäla lon maun, ekewe kolak repwe ileela somär, ekewe machang me ekewe manmwacho repwe ocheer o aroserela.

Jeremaia 2:15

Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 34:20

Üpwe asechirelong lepöün chon oputer, chokewe mi mochen nirela. Ekewe machang me ekewe manmwacho repwe ochei somär.

Jeremaia 7:33

Iwe, ekewe machang me ekewe manmwacho repwe ochei fituken ekei somä, nge esap wor eman epwe eniweer.

Kölün kechü 1:17

Üa aitiewu pei, nge esap wor eman a alisiei. Ewe Samol mi Lapalap a allük pwe chon oputaei repwe ü ngeniei. Üa wiliti eu mettoch mi limengau me rer.

Isikiel 34:5

Iei mine ekewe sip ra toropasfeil, pun esap wor ar chon mas. Iwe, ekewe manmwacho ra ocheer.

Pwärätä 17:16

Nge ekewe engol mächä ka küna, pwal ewe manmwacho repwe oput ewe fin lisowu. Repwe angei seni mettochun meinisin o likiti neminewe lon an selela. Repwe ochei fitukan o kenala ren ekkei.