Jeremaia 12:6 - Chuukese Bible

⁶ Pun püsin pwiüm kewe me chon leimwen semom ra afangamääk, ra tapweruk nge puchör. Kosap lüküür, inamwo ika ra kapas pwetete ngonuk.”

Jeremaia 12:6 Iomraidhean Croise

Hiop 6:15

Nge chiechiei kewe ra alichipüngüei usun chök ekewe öüwö mi pumong, ra morola, lupwen esap püng üt,

Kölfel 12:2

Iteiten eman me eman a chofana ngeni chon arun. Ra chök eäni kapas atuputup lefiler.

Kölfel 12:3

Amwo ewe Samol mi Lapalap epwe aükätiu ar kapas atuputup o pineela awen ekewe aramas mi tunesikesikemong.

Kölfel 69:8

Üa usun chök eman wasöla ngeni pwii kewe, üa usun chök eman chon ekis ngeni nöün inei kewe.

Än Salomon Fos 23:8

Kopwe musäsini ewe mongö ka fen eni, nge om kewe kapasen kilisou repwe lomotongau.

Än Salomon Fos 26:25

Lupwen a eäni kapasöch ngonuk, kosap lükü, pun lelukan a urela ren ekiek mi anioput.

Aisea 31:4

Iwe, ewe Samol mi Lapalap a kapas ngeniei, “Usun eman laion ika eman nienifön laion a ngüngü won liapan, nge esap niuokus ren mwelien eu mwichen chon mas ra feila ren, esap pwal süla ren aküranger, iei usun ngang ewe Samol mi Unusen Manaman üpwe feitiu pwe üpwe tümwünü ewe chuk Sion seni feiengau, nge esap wor eman epwe pineei.

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 11:21

Ekewe re Anatot ra mochen nieila. Ra üreniei pwe repwe nieila, are üpwe sopwela le asilefeili än ewe Samol mi Lapalap kewe kapas.

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Jeremaia 9:4

Iteiten eman me eman epwe afäli ren chiechian, esap pwal anomu an lükülük won pwin, pun iteiten eman me eman pwipwi a atupu pwin, nge iteiten eman me eman chiechi a aitengaua chiechian.

Jeremaia 9:5

Iteiten eman me eman a atupu chiechian, nge esap wor eman a apasa mine a let. Ra aörüni ngeni chönawer kapas chofana, resap fokun mochen ükütiu le föri tipis.

Mateus 10:21

Iwe, pwipwi repwe afangamä pwiir ngeni mäla, eman sam epwe afangamä nöün. Nge ekewe nau repwe ü ngeni semer me iner o aturuur pwe repwe ninnila.

Markus 12:12

Iwe, ekewe souemwenin Juta ra sotuni ar repwe fötekini Jesus, pun ra silei pwe a afalafala ei pworausen awewe usur. Nge ra niuokusiti ewe mwicheichen aramas, iei mine ra likitala o feila seni.

Johannes 7:5

Pun püsin pwiin kewe mwo nge resap lükü i.

Föför 16:22

Iwe, pwal ewe mwichen aramas a pöchökül le ü ngeni Paulus me Silas. Mürin ekewe samollap ra kamwei seniir üfer kewe o allük ngeni ekewe sounfiu pwe repwe wichiir.

Föför 18:12

Iwe, lupwen Kallio a fil pwe epwe kepinan ewe fanü Akaia, ekewe chon Juta ra chufengen, ra turufi Paulus o etekinala lon ewe lenien kapwüng.