Jeremaia 12:5 - Chuukese Bible

⁵ Iwe, ewe Samol mi Lapalap a pälüeni, “Are ka kitir ngeni aramas, nge ka malülü ren, ifa usun om kopwe kitir ngeni oris? Are ka chepetek me lon eu leni mi öch, met kopwe föri me lein ewe wöllap ünükün ewe chanpupu Jortan?

Jeremaia 12:5 Iomraidhean Croise

1. Kronika 12:15

Ikkei ir ekewe mwän mi fetal lon ewe chanpupu Jortan seni epek tori epek lon ewe aeuin maram, lupwen ewe chanpupu a puwu ekis meinisin. Iwe, ra asüela chokewe meinisin mi nom lon ekewe lemol me peliötiu me pelilotou.

Kölfel 42:7

Eu lenien alolol a kökkörato pwal eu lenien alolol, lupwen om kewe koluk mi putiu ra püngümong. Om kewe no meinisin me om kewe nolapalap ra pwölüeila.

Än Salomon Fos 24:10

Are ka apilükingau lon fansoun riaföü, om pöchökül a kisikis.

Än Salomon Fos 3:11

Nei, kosap oput än ewe Samol mi Lapalap emirit, kosap pwal chipwang ngeni an kapasen fön,

Jeremaia 11:21

Ekewe re Anatot ra mochen nieila. Ra üreniei pwe repwe nieila, are üpwe sopwela le asilefeili än ewe Samol mi Lapalap kewe kapas.

Jeremaia 26:8

Nge lupwen Jeremaia a wes le apasatä meinisin mine ewe Samol mi Lapalap a allük ngeni pwe epwe üreni ekewe aramas, mürin ekewe souasor me ekewe soufos pwal ekewe aramas meinisin ra turufi o apasa, “Kopwe fokun mäla.

Jeremaia 36:26

Nge a fen allük ngeni Jeramel nöün we mwän, pwal ngeni Seraia nöün Asriel me Selemia nöün Aptel, pwe repwe feila o turufi ewe soumak Paruk me ewe soufos Jeremaia. Nge ewe Samol mi Lapalap a aopeer.

Jeremaia 49:19

Usun eman laion a towu seni ewe wöllap arun ewe chanpupu Jortan o feila ngeni eu lenien enen sip, iei usun üpwe müttir feito o asüela chon Etom seni fanüer. Mürin üpwe awisa ätewe üa filätä pwe epwe nemeni Etom. Iö epwe wewe ngeniei? Iö epwe pälüeniei? Meni souemwen a tongeni ü ngeniei?

Jeremaia 50:44

Usun eman laion a towu seni ewe wöllap arun ewe chanpupu Jortan o feila ngeni eu lenien enen sip, iei usun üpwe müttir feito o asüela chon Papilon seni fanüer. Mürin üpwe awisa ätewe üa filätä pwe epwe nemeni Papilon. Iö epwe wewe ngeniei? Iö epwe pälüeniei? Meni souemwen a tongeni ü ngeniei?

Josua 3:15

Iwe, ewe chanpupu a urowu ekis meinisin tori ünükün, pun ei otun fansoun räs. Nge lupwen ekewe souasor mi mwärei ewe pworofel ra tori ewe chanpupu Jortan o ipwelong lepetepeetan,

1. Petrus 4:12

Ämi chienei mi achengicheng, ousap weitifengenikemi ren pwichikaren ewe riaföü a torikemi, pwe oupwe sosot ren. Ousap ekieki pwe iei och mine esap öch ngenikemi.