Jeremaia 12:3 - Chuukese Bible

³ Nge en ai Samol mi Lapalap, ka sileei, ka künaei o sotuni ai ekiek ngonuk. Kopwe nukiela ekewe aramasangau usun sip ra nukunuk ngeni ar repwe ninnila, kopwe aimwürela fän iten ewe ränin ninnila.

Jeremaia 12:3 Iomraidhean Croise

2. King 20:3

“Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

1. Kronika 29:17

Ai Kot, üa silei pwe en ka sotuni leluken aramas, ka pwal efich wenechar. Fän wenecharen lelukei üa fangafangöch ekei mettoch meinisin. Nge iei üa küna noum aramas mi nom ikei, pwe ra pwal fangafangöch ngonuk fän pwapwa.

Hiop 23:10

Nge Kot a silei ewe al üa fetal won. Lupwen a sotuniei, a pwä pwe üa usun kolt.

Kölfel 11:5

Ewe Samol mi Lapalap a sotuni ekewe aramas mi pwüng me ekewe aramasangau, a oput ätewe mi föri föförün mwäneson.

Kölfel 139:23

Ai Kot, kopwe atittinaei o silei letipei. Kopwe sotuniei o silei ai ekiek.

Kölfel 17:3

En ka atittina lelukei, ka äämwaei lepwin, ka sotuniei, nge kosap küna och ekiek mi ngau rei. Üsap apasa och mi ngau.

Kölfel 26:1

Ai Samol mi Lapalap, kopwe aletätä ai pwüng, pun üa föri mine a pwüng, üa apilükülükuk, nge üsap mwökütüküt.

Kölfel 7:9

En ewe Kot mi pwüng, ka etittina ekiekin me tipen aramas. Kopwe aükätiu än ekewe aramasangau föför mi ngau, nge kopwe anüküchara ekewe chon pwüng.

Jeremaia 15:15

Mürin Jeremaia a apasa, “Ai Samol mi Lapalap, en ka silei mettoch meinisin. Kopwe chechemeniei o alisiei. Fän itei kopwe ngeni chon ariaföüüei chappen ar föför. Lon om mosonotam kosap angei manauei. Kopwe chechemeni pwe üa itengau fän itom.

Jeremaia 17:16

Üsap pesee ngonuk pwe kopwe awarato ingau, üsap pwal älälei ewe ränin feiengau, en ka silei usun. Mine üa apasawu a pwäla fän mesom.

Jeremaia 17:18

Chokewe mi ariaföüüei repwe küna säw, nge kosap mwüt ngeniei pwe üpwe küna säw. Kopwe arüköör, nge kosap arüköei. Kopwe awarato feiengau wor o fokun atatakisiir.

Jeremaia 20:12

Ai Samol mi Unusen Manaman, ka sotuni ekewe chon pwüng o küna leluker me ekiekir. Kopwe mwüt ngeniei ai üpwe küna om kopwe ngeni chon oputaei chappen ar föför, pun üa likiti ngonuk pwe kopwe peniei.

Jeremaia 48:15

Moap epwe tala, pwal an kewe telinimw repwe oola. Nöün kewe alüal mi sipeöch lon maun repwe ninnila. Ngang ewe King itei ewe Samol mi Unusen Manaman üa kapas.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 51:4

Repwe turula o mäla lon ewe fanü Papilon, repwe mäfeiengau me lon alan kewe.

Johannes 21:17

Jesus a aisini fän aülüngatin, “Simon, nöün Sona, ka echeniei?” Petrus a letipeta, pun Jesus a aisini fän aülüngatin, “Ka echeniei?” Iei mine a üreni, “Ai Samol, en ka silei mettoch meinisin, ka silei pwe ngang üa echenuk.” Jesus a üreni, “Kopwe amongöü nei kewe sip.

James 5:5

Oua manaueni eu manau mi fokun mecheres won ei fanüfan, oua pwal eäni pwapwan fanüfan. Oua püsin föri met oupwe kitinup ren fän iten ewe ränin ninnila.

2. Petrus 2:12

Nge ekei mwän ra sokuni sokun man lon ar föför, ra usun chök ekewe manmwacho mi uputiu pwe aramas repwe liapeniir o niirela. Ra eäni kapas ingau usun ekewe mettoch resap weweiti. Iwe, repwe ninnila usun ekewe manmwacho,