Jeremaia 12:2 - Chuukese Bible

² Ka fotukiretiu, iwe, a tö warer. Ra mämäritä o ua. Ra föüni itom lon awer, nge leluker a toau senuk.

Jeremaia 12:2 Iomraidhean Croise

Hiop 24:12

Aramas ra rongorong ngüngün chokewe mi arap ngeni mäla seni lon ekewe telinimw, nge chokewe mi kinas ra kökkö pwe eman epwe alisiir. Nge Kot esap aüselinga ar iotek.

Hiop 5:3

Üa küna pwe eman chon umwes a fefeitä lon an feiöch, nge mürin a müttir fis ngeni anümamau pwe an feiöch a tala.

Kölfel 37:35

Üa küna eman aramasangau a nemenem fän pöchökül, a fokun tekiatä won aramas meinisin usun efoch irä setar won Lepanon.

Aisea 29:13

Iwe, ewe Samol a apasa, “Ekei aramas ra kan ngeniei ren kapasen awer chök, ra pwal asamoluei ren tinawer chök, nge leluker a fokun toau seniei. Ar fel ngeniei a chök fis ren allük me örünien aramas.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 3:10

Nge mine a ngau seni kei, pwe ekewe chon Juta mi kirikiringau ra chök pwomweni pwomwen ar liwinitiei, nge sap seni unusen letiper. Ngang ewe Samol mi Lapalap üa kapas.”

Jeremaia 45:4

Nge ngang ewe Samol mi Lapalap üa apasa: Üpwe ataetiu mine üa aüetä o üttätä mine üa fotukätiu. Iei usun mine üpwe föri ngeni unusen ewe fanü.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Osea 7:14

Iwe, resap siö ngeniei seni lon leluker, nge ra chök ngüngüres won kier. Lupwen ra iotek pwe epwe wor ar föün wiich me wain, ra akinaseer usun chon lükün. Ir ra chök ü ngeniei.

Apakuk 1:13

Mesom ra men limöch pwe kosap tongeni nenengeni föför mi ngau, kosap tongeni tipeeu ngeni föför mi mwäl. Nge pwota ka tipeeu ngeni ekei aramas mi eäni rawangau? Pwota ka fanafanala, lupwen ekewe aramasangau ra arosala chokewe mi pwüng seniir?

Mateus 15:8

‘Kot a apasa: Ekei aramas ra asamoluei ren ar kapas, nge leluker a wesewesen toau seniei.

Markus 7:6

Iwe, Jesus a pölüeniir, “A fokun pwüng mine Aisea a fen osuni usumi. Ämi oua chon likatuputup usun a fen mak: ‘Kot a apasa: Ekei aramas ra asamoluei ren kapas chök, nge leluker a fokun toau seniei.

Titus 1:16

Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.