Jeremaia 12:13 - Chuukese Bible

¹³ Ra amwora föün wiich, nge ra kini iräfölüföl, ra olusumwäliir le angang, nge esap wor lomotan. Repwe säw ren mine ra kini pokiten ai song mi watte.”

Jeremaia 12:13 Iomraidhean Croise

Kölfel 78:62

A lingeringeriti nöün aramas o mwüt ngeni chon oputeer pwe repwe nirela ren ketilas.

Aisea 55:2

Pwota oua mochen püngütiu moni fän iten mettoch ousap tongeni mongö? Pwota oua angang weires fän iten mine ousap möt ren? Oupwe fokun aüselingaei o föri mine üa ürenikemi. Iwe, epwe wor enemi mongö mi annö, oupwe pwal pwapwaiti uän ewe fanü mi fokun chomong.

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 4:26

Üa küna pwe ewe fanü mi mürina a wiliti eu fanüapö, nge ekewe telinimwen lon ra tatakisila pokiten än ewe Samol mi Lapalap song mi fokun watte.

Jeremaia 9:5

Iteiten eman me eman a atupu chiechian, nge esap wor eman a apasa mine a let. Ra aörüni ngeni chönawer kapas chofana, resap fokun mochen ükütiu le föri tipis.

Osea 8:7

Iwe, ra amorafeili asepwäl, nge repwe kini eu ewiniär. Esap wor föün ekewe irä wiich, iei mine esap wor pilawa mi amas. Nge are epwe fen wor, chon ekis repwe eni.

Lifitikos 26:16

iei usun mine üpwe föri ngenikemi: Üpwe awarakaieto womi niuokus watte, fius me pwichikar mi atopwala mesemi o akisikisala pöchökülen inisimi. Iwe, epwe solap ämi fofot, pun chon oputakemi repwe eni uän fotämi.

Lifitikos 26:20

Epwe solapmwälila ämi pöchökül le angang ngeni ewe pwül, pun irän fanüemi resap mämäritä, resap pwal ua.

Mika 6:15

Oupwe fofot, nge ousap kinikin. Oupwe üchüch föün olif, nge ousap epitikemi noppukun. Oupwe puri föün irän wain, nge ousap ün wain seni.

Apakuk 2:13

Iei fän letipen ewe Samol mi Unusen Manaman, pwe än ekewe aramas angang epwe karala, nge än chon ekewe mwü angang weires epwe solapmwäl.

Akai 1:6

Oua fotuki chomong, nge oua kini chokükün. Oua mongö o ün, nge ousap fokun möt ren. Oua aüföüfakemi, nge ousap mefi kinamwe ren, nge ir mi angei liwinin ar angang ra usun chök nge ra iseni liwinir lon eu lenien iseis mi wor pwang lon.”

Akai 1:9

Oua apilükülükü eu räs mi watte, nge oua chök angei chokükün. Lupwen oua iseis resin fanüemi lon ämi imwen iseis, üa ataela. Met popun? Pokiten imwei Imwenfel a tala, nge oua chök ekieki usun en me imwan.

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.

Tuteronomi 28:38

Iwe, oupwe amorafeili chomong föün irä lon ämi tanipi, nge kiniemi ua repwe chokükün, pun ekewe lifichimas repwe chök eni.