Jeremaia 12:12 - Chuukese Bible

¹² Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 12:12 Iomraidhean Croise

Aisea 34:6

Iwe, nöün ketilas a kuula ren cha me kiris, ren chan ekewe nienifön sip me kuuch, pwal ren kirisin föün lon ekewe ätemwänin sip. Pun ewe Samol mi Lapalap a eäni eu asor lon ewe telinimw Posra, a afisätä eu nimanau mi watte lon ewe fanü Etom.

Aisea 57:21

Iwe, ekewe chon föföringau esap wor ar kinamwe,” iei alon ai Kot.

Jeremaia 15:2

Nge are repwe aisinuk, ‘Ia aipwe feila ie?’ kopwe üreniir, ‘Iei alon ewe Samol mi Lapalap: Chokewe mi feil ngeni ar repwe mäla ren mätter repwe mäla ren mätter, chokewe mi feil ngeni ar repwe mäla lon maun repwe mäla lon maun, chokewe mi feil ngeni ar repwe mäla ren lengita repwe mäla ren lengita, nge chokewe mi feil ngeni ar repwe oola repwe oola.’

Jeremaia 16:5

Kosap tolong lon imwen chon letipeta, kosap feila rer pwe kopwe kechü o achipeer, pun ngang üa angei seni ekei aramas ai kinamwe, ai tong ellet me ai ümöümöch.

Jeremaia 25:11

Unusen ei fanü epwe tala o pönüla, nge chon ekei mwü repwe angang ngeni ewe kingen Papilon lon ükükün fik ier.

Jeremaia 3:2

Kopwe netä won ungen ekewe chuk o nenengeni. Ifa usun, epwe wor eu leni ia en kosap fangala inisum ie? Ka nissoal lepekin ekewe al o awiti ekewe kamwet ka akawit usun eman chon Arapia lon fanüapö. En ka alimengaua ewe fanü ren om föförün lisowu.

Jeremaia 3:21

Aramas ra rongorong mwelien ekewe chon Israel won ungen ekewe chuk, ra kechü o tütüngormau, pun ra föri chomong tipis o manlükala ewe Samol mi Lapalap ar we Kot.

Jeremaia 30:5

“Üa rongorong eu puchörün rükö me niuokus, nge sap mweireiren kinamwe.

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 46:10

Ei rän iei ewe ränin Kot ewe Samol mi Unusen Manaman, eu ränin an epwe ngeni chon oputan chappen ar föför, eu ränin an epwe apwüngüür. Ewe ketilas epwe mongö tori an epwe möt, epwe ün cha tori an epwe ku. Pun Kot ewe Samol mi Unusen Manaman a föri eu asor me lon ewe fanü efeng arun ewe chanpupu Oifrat.

Jeremaia 47:6

Ämi oua puchör o kökkö, ‘En nöün ewe Samol mi Lapalap ketilas, ifa ükükün fansoun om kopwe sopwela le ninni? Kopwe liwinlong lon tükütükum, kopwe asösö o fanafanala.’

Jeremaia 48:2

Esap chüen wor iteüöchün Moap. Lon Hespon ra rawei usun ar repwe ataela Moap o apasa, ‘Ou etto, ousipwe ärala Moap, pwe esap chüen eu mwü.’ Pwal en ewe telinimw Matmen, kopwe fanafanala, pun sounfiu repwe maun ngonuk.

Jeremaia 8:15

Sa apilükülükü kinamwe, nge feiengau a war. Sa apilükülükü eu fansoun pöchökülsefäl, nge niuokus watte a torikich.

Kölün kechü 3:17

Esap chüen wor kinamwe lon manauei, üsap chüen sile pwapwa.

Isikiel 14:17

Are üpwe awarato maun won ewe fanü o tinala efoch ketilas lemenen ewe fanü, pwe üpwe arosala aramas me man,

Isikiel 21:28

“Iwe, en nöün aramas, kopwe osuni o apasa pwe iei aloi ngang Kot ewe Samol mi Lapalap usun ekewe chon Amon me ar kapasen turunufasei chon Israel: Efoch ketilas, efoch ketilas a molotä pwe epwe ninni, a mis pwe epwe molupolup usun fifi o niela aramas.

Isikiel 21:4

Iwe, nei ketilas epwe üttüwu seni lon tükütükün, pwe epwe niela aramas meinisin seni ör tori efeng, pun üpwe arosala me lomw ekewe chon pwüng me chon pwüngingau meinisin.

Isikiel 21:8

Iwe, ewe Samol mi Lapalap a pwal kapas ngeniei,

Isikiel 21:9

“Nöün aramas, kopwe osuni o apasa, pwe iei aloi ngang ewe Samol mi Lapalap: Efoch ketilas, efoch ketilas a seisei o misimis,

Isikiel 5:2

Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Amos 9:4

Inamwo are ra oola ren chon oputeer, üpwe allük pwe repwe ninniila. Üa fen apwüngala pwe üpwe aroserela, nge üsap achikeer.”

Sefanaia 2:12

Pwal ämi chon Itiopia, oupwe ninnila ren nöün ketilas.

Tuteronomi 32:42

Woki kewe föün esefich repwe ün cha, nei ketilas epwe ochoch fituk, chan chokewe mi ninnila me chan chon oola, pwal möküren samolun chon oputaei.’

Pwärätä 6:4

Iwe, pwal eman oris mi parapar a towu, nge ewe mi mot won a mwümwü ngeni an epwe aworato maun won fanüfan, pwe aramas repwe nifengeniir. A angei efoch ketilas mi langatam.