Jeremaia 12:11 - Chuukese Bible

¹¹ Ra awili ngeni eu fanüapö, a pöön o pwasapwas me fän mesei. Unusen ewe fanü a pö, nge esap wor eman a ekieki usun.

Jeremaia 12:11 Iomraidhean Croise

Än Salomon Afalafal 7:2

A mürina pwe eman epwe eti eu mwichen letipeta lap seni an epwe eti eu kametip. Pun chokewe mi manau repwe chechemeni pwe mäla sopolan aramas meinisin.

Aisea 42:25

Iei mine Kot a awarato an song won chon Israel o afeiengaueer lon maun. Iwe, an song mi usun ekkei a küriir, nge resap mirit ren, a keniir, nge resap ekieki usun.

Aisea 57:1

Iwe, ekewe chon pwüng ra mäfeiengau, nge esap wor eman a ekieki usur. Ekewe chon lükü Kot ra mäla, nge esap wor eman a silei popun. Iwe, ekewe chon pwüng ra mäla mwen ewe ränin feiengau a war,

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 10:25

Nge kopwe atoto om song won chon ekewe mwü resap sileek, pwal won ekewe aramas resap köri itom. Pun ra niela noum aramas, ra wesewesen nirela o ataela fanüer.

Jeremaia 14:2

“Juta a letipeta, an kewe telinimw ra mwatötö. Ekewe aramasen Juta ra kechü lepwül, nge chon Jerusalem ra siö.

Jeremaia 19:8

Üpwe ataela ei telinimw pwe epwe eu mettoch aramas repwe turunufasei. Meinisin mi pwerela ünükün repwe mairü o turunufasei pokiten ekewe feiengau meinisin ra tori.

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 25:11

Unusen ei fanü epwe tala o pönüla, nge chon ekei mwü repwe angang ngeni ewe kingen Papilon lon ükükün fik ier.

Jeremaia 4:20

Feiengau a chök afaün, unusen ewe fanü a tala. Imwei kewe imw mangaku ra müttir tatiu, pwölüpwöli ra kamwetiu lon eu chök otun.

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 4:28

Ren ei fanüfan epwe letipeta, nge läng epwe cholola. Pun ngang üa kapas, nge üsap siwili ai ekiek, üa apwüngala mine üpwe föri, nge üsap akasiwili.”

Jeremaia 6:8

Oupwe miritila, ämi chon Jerusalem! Pun are ousap, üpwe kul senikemi o awili ämi telinimw ngeni eu fanüapö ia esap wor eman a nonom ie.”

Jeremaia 9:10

Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Jeremaia 9:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför? Ngang ewe Samol mi Lapalap üa kapas.”

Sowel 1:10

Iwe, ekewe tanipi ra tala, nge ewe pwül a masua. Ekewe irän wiich ra tala, ewe wain me ewe apüra seni föün olif ra morola.

Lifitikos 26:32

Ewer, üpwe fokun ataela fanüemi, pwe chon oputakemi mi lefanüla lon repwe mairü ren.

Sekaraia 7:5

“Kopwe üreni aramasen ewe fanü meinisin, pwal ekewe souasor: Lupwen oua echikefel me ngüngüres lon alimuen me afisuen maram lon ekei fik ier, ifa usun, oua wesewesen echikefel fän itei?

Malakai 2:2

Oupwe asamoluei. Nge are ousap mochen aüselinga mine üa ürenikemi, mürin üpwe awarato anümamau womi o anümamaua feiöchümi kewe. Ellet, üa fen anümamaueer pokiten ousap ekieki ai kewe kapas lon lelukemi.

Nöün Paulus Toropwe ngeni ekewe Souläng lon Rom 8:22

Pun sia silei pwe tori ikenai förien Kot kewe meinisin ra ngüngü fän cheuch usun cheuchen fam.