Jeremaia 12:1 - Chuukese Bible

¹ Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Jeremaia 12:1 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Nehemia 9:33

Nge en ka pwüng won meinisin mine ka föri ngenikem. En ka allükülük ngenikem, nge äm aia tipis ngonuk.

Hiop 12:6

Lon imwen ekewe chon solä a wor kinamwe, nge chokewe mi asonga Kot ra nonomöch, ir chokewe mi eäni kot püsin ar pöchökül.

Hiop 13:3

Nge ngang üpwe kapas ngeni Ewe mi Unusen Manaman, üa mochen pwüngüpwüngfengen me Kot won mine a fis ngeniei.

Hiop 24:12

Aramas ra rongorong ngüngün chokewe mi arap ngeni mäla seni lon ekewe telinimw, nge chokewe mi kinas ra kökkö pwe eman epwe alisiir. Nge Kot esap aüselinga ar iotek.

Hiop 24:23

A fang ngeniir kinamwe, pwe ra ekieki pwe ra nonomöch, nge Kot a nenengeni ar kewe föför.

Hiop 8:17

Waran ra fittitä won eu ioien fau o amwöchü iteiten eföü me eföü fau.

Kölfel 116:5

Ewe Samol mi Lapalap a kirikiröch o pwüng, ach Kot a fokun eäni tong.

Kölfel 119:137

Ai Samol mi Lapalap, en ka pwüng, nge om kewe kapwüng ra pwüng.

Kölfel 119:75

Ai Samol mi Lapalap, üa silei pwe om kewe apwüng ra pwüng, fän om allükülük ka ariaföüüei.

Kölfel 145:17

Ewe Samol mi Lapalap a pwüng lon meinisin mine a föri o kirikiröch lon an kewe föför meinisin.

Kölfel 37:1

Kosap achouuk pokiten ekewe aramasangau, nge kosap lolowo ngeni chokewe mi föri mine a ngau.

Kölfel 37:35

Üa küna eman aramasangau a nemenem fän pöchökül, a fokun tekiatä won aramas meinisin usun efoch irä setar won Lepanon.

Kölfel 51:4

Üa tipis ngonuk, fokun ngonuk echök, o föri mine a ngau me fän mesom. Iei mine a pwüng om kopwe apwüngüei, esap pwal wor om mwäl, lupwen ka eäni kapwüng.

Kölfel 51:6

Ellet, ka pwapwaäsini letip wenechar. Kopwe aiti ngeniei ewe tipachem mi monomon.

Kölfel 92:7

Inamwo are ekewe aramasangau ra mämäritä usun fetil, nge ekewe chon föföringau meinisin ra aümanau, repwe chök fetal ngeni feiengau esemüch.

Än Salomon Fos 1:32

Pun ekewe chon wewemang repwe mäla ren ar kul seniei, nge ekewe chon tiparoch repwe feiengau ren püsin ar tümwününgau.

Än Salomon Afalafal 8:14

Mi pwal wor mettoch mi pön ra fis won fanüfan. Fän ekoch chon pwüngüöch ra angei mine ekewe chon pwüngingau repwe angei, nge chon pwüngingau ra angei mine ekewe chon pwüngüöch repwe angei. Üa apasa pwe pwal ei pön chök.

Aisea 41:21

Ewe Samol mi Lapalap ewe kingen Israel a apasa, “Ämi koten ekewe mwü, oupwe feito o fos, oupwe uwato ämi pisekin pwärätä.

Aisea 48:8

Iwe, kosamwo rongorong ika weweiti ei, seni me lomlom selingom esap sukula. Pun üa fokun silei pwe kosap allükülük ngeniei, ka pwal iteni chon ü ngeniei seni leuputiuom.

Jeremaia 11:20

Mürin üa iotek, “Ai Samol mi Unusen Manaman, en ewe mi eäni kapwüng fän pwüng o sotuni leluk me ekiekin aramas. Kopwe mwüt ngeniei ai üpwe küna om kopwe ngeni ekei aramas chappen ar föför, pun üa likiti ngonuk pwe kopwe peniei.”

Jeremaia 12:6

Pun püsin pwiüm kewe me chon leimwen semom ra afangamääk, ra tapweruk nge puchör. Kosap lüküür, inamwo ika ra kapas pwetete ngonuk.”

Jeremaia 3:20

Ellet, ämi chon Israel oua kirikiringau ngeniei, usun eman fefin a kirikiringau ngeni pwülüan o likitala. Ngang ewe Samol mi Lapalap üa kapas.”

Jeremaia 3:7

Iwe, ngang üa ekieki pwe mürin ar föför meinisin repwe liwinitiei. Nge resap liwinitiei. Nge ekewe chon Juta mi pwal kirikiringau ra küna ei.

Jeremaia 32:16

Mürin ai ngeni Paruk nöün Neria we mwän ewe toropwen atipeeuin kamö, üa iotek ngeni ewe Samol mi Lapalap o üra,

Jeremaia 5:11

Ekewe chon Israel me chon Juta ra fokun kirikiringau ngeniei. Ngang ewe Samol mi Lapalap üa kapas.”

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Kölün kechü 1:18

Ewe Samol mi Lapalap a pwüng, nge ngang üa aleasolap ngeni an kapas. Oupwe aüseling, ämi chon ekewe mwü meinisin, oupwe nenengeni ai riaföü. Nei kewe föpwül me nei kewe alüal ra oola.

Isikiel 18:25

Nge oua apasa, ‘Än ewe Samol föför esap pwüng.’ Iwe, oupwe rongorong, ämi chon Israel. Ifa usun, ngang ewe eman esap föri mine a pwüng, nge sap fen ämi?

Taniel 9:14

Iei mine en Kot äm Samol mi Lapalap ka amolätä ei feiengau o awarato wom. Pun ka eäni pwüng lon om föför meinisin, nge äm aisap aleasochisi alom.

Taniel 9:7

En chök äm Samol ka unusen pwüng, nge äm aia chök atoto wom säw usun a pwä ikenai, äm me chon Juta, chon Jerusalem me chon Israel meinisin mi nom toau me arap, ia ka atoropasafeilikem ie pokiten tipisin äm likitukela.

Osea 6:7

Lon ewe otun, lupwen ra tolong lon ewe fanü me lon ewe telinimw Atam, ra atai ai we pwon ngeniir.

Apakuk 1:4

Iei mine allük a apwangapwangala, nge pwüngüöch esap pwönüetä. Pun ekewe chon pwüng ra oo ren ekewe aramasangau, iei mine pwüngüöch a sosor.

Sefanaia 3:5

Nge ewe Samol mi Lapalap mi nom lon ewe telinimw a fokun pwüng, esap föri och mi mwäl. Iteiten lesosor a pwärawu an pwüng, esap etiwala eu rän. Nge ekewe chon pwüngingau ra chök föri mine a ngau, nge resap sile säw.

Malakai 2:17

Oua aweiresi ewe Samol mi Lapalap ren ämi kapas. Nge oua ais, “Ifa usun äm aweiresi?” Ren ämi apasa, “Aramas meinisin mi föri mine a ngau ra mürina me fän mesen ewe Samol mi Lapalap, i a pwapwaitiir.” Ika ren ämi ais, “Ia a nom ie ewe Kot mi eäni kapwüng fän pwüng?”

Malakai 3:15

Iei mine sa apasa pwe ekewe chon lamalamtekia ra feiöch. Ekewe chon föföringau resap chök pisekisekila, pwe ra pwal sotuni Kot, nge resap angei liwiningauer.’”

Tuteronomi 32:4

I ewe achau, an föför ra unusen mürina, pun an kewe al meinisin ra pwüng. I eman Kot mi allükülük, esap wor an mwäl, a pwüng o wenechar.