Jeremaia 11:9 - Chuukese Bible

⁹ Mürin, ewe Samol mi Lapalap a üreniei, “A wor ekiekin ü ngeniei me lein ekewe chon Juta me chon Jerusalem.

Jeremaia 11:9 Iomraidhean Croise

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 6:13

Pun seni ekewe mi kis tori ekewe mi lap ir meinisin ra kütta ar win fän pwüngingau. Pwal seni ekewe soufos tori ekewe souasor ir meinisin ra atupu aramas.

Jeremaia 8:10

Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

Osea 6:9

Ekewe souasor ra usun chök eu mwichen chon solä mi operi eman aramas. Won mwo ewe al mi ale ngeni ewe leni mi pin lon Sikem, nge ra ni aramas, ewer, ra chök föri föförün mwänewüs.

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Mateus 26:15

o aisiniir, “Met oupwe ngeniei are üpwe afangamä Jesus ngenikemi?” Iwe, ra ngeni ilik föün moni silifer.

Johannes 11:53

Seni ena ränin ekewe nöüwisen chon Juta ra rawei Jesus pwe repwe niela.