Jeremaia 11:8 - Chuukese Bible

⁸ Nge ir resap aleasochis ika aüseling, pwe iteiten eman me eman a ülöförea lelukan o föföringau. Iei mine üa atoto wor ewe anümamau a mak lon ei pwon, pokiten resap mochen apwönüetä kapasan kewe üa allük ngeniir.”

Jeremaia 11:8 Iomraidhean Croise

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 3:17

Are epwe tori ena fansoun, Jerusalem epwe iteni än ewe Samol mi Lapalap lenien mot, nge chon ekewe mwü meinisin repwe mwichefengen lon Jerusalem pwe repwe fel ngeniei. Resap chüen ülöförea le apwönüetä ekiekingauen leluker.

Jeremaia 31:32

Ei pwon esap usun ewe pwon üa föri ngeni ar kewe lewo, lupwen üa amwöchü pöür o emwenirewu seni ewe fanü Isip. Ir ra atai ai pwon, inamwo pwe üa usun eman rereimw ngeniir.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 34:14

‘Lesopolan iteiten wonu ier ämi meinisin oupwe angasa pwimi chon Ipru oua möniir, ra angang ngenikemi lon ükükün wonu ier. Ämi oupwe fokun angaserela seni ar angang ngenikemi.’ Nge ämi kewe lewo resap aleasochisi aloi ika aüselingaei.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 35:17

Iei mine ngang ewe Samol mi Unusen Manaman, ewe Koten Israel üa apasa: Üpwe awarato womi, ämi chon Juta me chon Jerusalem, ekewe feiengau meinisin üa fen apwüngawu ngenikemi. Üpwe föri ei, pokiten üa fen kapas ngenikemi, nge ousap aüseling, üa fen kökkörikemi, nge ousap päpälüen.”

Jeremaia 38:20

Nge Jeremaia a üra, “Resap asechikolong lepöür. Kopwe aleasochisi mine üa ürenuk fän alon ewe Samol mi Lapalap, mürin kopwe feiöch, nge kosap mäla.

Jeremaia 44:16

“Äm aisap mochen aüselinga ewe pworaus ka apworausa ngenikem fän alon ewe Samol mi Lapalap.

Jeremaia 44:17

Nge äm aipwe fokun föri meinisin mine aia fen pwon pwe aipwe föri. Äm aipwe keni apach mi pwokus ngeni ewe kiwinen läng o ninätiu ngeni asoren ün usun äm me äm kewe lewo, äm kewe king me nöüm kewe nöüwis aia fen föri me lon ekewe telinimwen Juta, pwal lon ekewe alen Jerusalem. Pun lon ena fansoun a wor chomong enem mongö, aia fefeitä, nge aisap feiengau.

Jeremaia 44:5

Nge ämi ousap mochen aüselinga ika afäli ai kapas. Ousap kul seni ämi föföringau, ousap pwal ükütiu le keni apach mi pwokus ngeni pwal ekoch kot.

Jeremaia 7:13

Lupwen oua föri ekei föför meinisin, üa chök sopwela le fofos ngenikemi, nge ämi ousap mochen aüseling. Üa kökkörikemi, nge ousap mochen päpälüen.

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Isikiel 20:8

Nge ir ra lükümach o ü ngeniei, resap mochen aüselingaei. Resap pöütala ekewe uluulun anümwäl mi anioput ra pwapwaiti, resap pwal likitala ekewe uluulun anümwäl seni Isip. Iei popun üa ekiekin awarato ai lingeringer wor o amüchü ai song ngeniir lon Isip.

Sekaraia 1:4

Ousap apirü ämi kewe lewo. Ekewe soufos me lom ra üreniir fän aloi pwe repwe ükütiu seni ar kewe lapalapangau me föför mi ngau. Nge ir resap aüselinga ika aleasochisiei. Ngang ewe Samol mi Lapalap üa kapas.

Sekaraia 7:11

Nge ir resap mochen rongorong, ra kulu sökürür o pinei selinger pwe resap tongeni rongorong.