Jeremaia 11:7 - Chuukese Bible

⁷ Seni ewe fansoun üa emwenawu ämi kewe lewo seni ewe fanü Isip tori ikenai üa fönökisiir o üreniir pwe repwe aleasochisiei.

Jeremaia 11:7 Iomraidhean Croise

2. King 17:13

Nge ewe Samol mi Lapalap a tinala nöün kewe soukünö me soufos ren ekewe chon Israel me chon Juta, pwe repwe üreniir, “Oupwe likitala ämi föför mi ngau o aleasochisi ai kewe allük me pwüüng, ekewe allük meinisin üa allük ngeni ämi kewe lewo, üa pwal tinala remi nei kewe chon angang ekewe soufos, pwe repwe asile ngenikemi.”

2. Kronika 36:15

Nge ewe Samol mi Lapalap än ar kewe lewo we Kot a chök sopwela le tinala nöün chon künö pwe repwe uwei an kapasen fön ngeniir, pun a tongei nöün aramas me imwan we imwenfel.

Ekistos 15:26

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Jeremaia 11:4

Iei ewe pwon üa ngeni ämi kewe lewo, lupwen üa emwenirewu seni Isip, ewe fanü mi usun chök eu um mi fokun pwichikar ngeniir. Üa üreniir pwe repwe aleasochisiei o föri meinisin mine üa allük ngeniir. Iwe, repwe nei aramas, nge ngang üpwe ar Kot.

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 25:4

Ämi ousap mochen aüseling ika aü selingemi pwe oupwe rongorong, inamwo ika ewe Samol mi Lapalap a tinikisiela remi nöün kewe chon angang ekewe soufos.

Jeremaia 31:32

Ei pwon esap usun ewe pwon üa föri ngeni ar kewe lewo, lupwen üa amwöchü pöür o emwenirewu seni ewe fanü Isip. Ir ra atai ai pwon, inamwo pwe üa usun eman rereimw ngeniir.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 34:14

‘Lesopolan iteiten wonu ier ämi meinisin oupwe angasa pwimi chon Ipru oua möniir, ra angang ngenikemi lon ükükün wonu ier. Ämi oupwe fokun angaserela seni ar angang ngenikemi.’ Nge ämi kewe lewo resap aleasochisi aloi ika aüselingaei.

Jeremaia 35:14

Iwe, Jonatap nöün Rekap we mwän a allük ngeni nöün kewe mwän pwe resap ün wain. Ir ra tümwünü ei allük, pun resap ün wain tori ikenai pokiten ar aleasochisi än semelaper we allük. Ngang üa kapas ngenikemi fän chomong, nge ämi ousap aleasochisiei.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 7:13

Lupwen oua föri ekei föför meinisin, üa chök sopwela le fofos ngenikemi, nge ämi ousap mochen aüseling. Üa kökkörikemi, nge ousap mochen päpälüen.

Osea 4:1

Ämi chon Israel, oupwe rongorong än ewe Samol mi Lapalap kapas. Pun iei an kapasen atipisi chon ewe fanü: Esap wor allükülük ika tong me lon ewe fanü, esap pwal wor ar silei pwe ngang ar Kot.

Osea 5:1

“Ämi souasor, oupwe aüseling, ämi chon Israel, oupwe aü selingemi, nge ämi chon leimwen king, oupwe rongorong. Pun ewe apwüng epwe weneitikemi pokiten oua wewe ngeni eu likatup lon Mispa me eu cheew mi meresila won ewe chuk Tapor,

Sekaraia 1:4

Ousap apirü ämi kewe lewo. Ekewe soufos me lom ra üreniir fän aloi pwe repwe ükütiu seni ar kewe lapalapangau me föför mi ngau. Nge ir resap aüselinga ika aleasochisiei. Ngang ewe Samol mi Lapalap üa kapas.

Efisos 4:17

Iwe, fän iten ach Samol üa fönöökemi pwe ousap sopwela le manaueni manauen chokewe mi nom lon rochopwak, pun ar ekiek a lomotongau,

Tuteronomi 12:32

Iwe, oupwe tümwünüöchü le föri meinisin mine üa allük ngenikemi. Ousap apacha och ngeni ika angei och seni.

Tuteronomi 30:20

Oupwe echeni ewe Samol mi Lapalap ämi we Kot, oupwe aleasochisi alon o fitipacheiti. Pun ren ei oupwe manau o ränin manauemi repwe langatamala lon ewe fanü ewe Samol mi Lapalap a pwon fän akapel pwe epwe ngeni ämi kewe lewo Apraham, Isaak me Jakop.”

Tuteronomi 4:6

Oupwe aleasochisiir o apwönüretä, pun ren ei epwe pwä ngeni chon ekewe mwü ämi tipachem me mirit. Iwe, lupwen repwe rongorong ekei allük meinisin, repwe apasa, ‘Ellet, chon ei mwü mi lapalap eu mwichen aramas mi tipachem o mirit.’

Tuteronomi 5:29

Amwo leluker epwe iei chök usun iteiten fansoun, pwe repwe meninitiei o aleasochisi ai kewe allük meinisin, pwe repwe feiöch me mwirimwirir tori feilfeilachök.

Tuteronomi 6:2

Iei mine ämi me mwirimwirimi kana oupwe meniniti ewe Samol mi Lapalap ämi we Kot lon ränin manauemi meinisin ren ämi aleasochisi an kewe pwüüng me allük meinisin üa ngenikemi, pwe ränin manauemi repwe chomongola.

Tuteronomi 8:6

Iwe, oupwe föri usun mine ewe Samol mi Lapalap ämi we Kot a allük ngenikemi, oupwe awena manauemi ngeni an kewe allük o meniniti.

2. Tesalonika 3:12

Fän iten ach Samol Jesus Kraist äm aia allük ngeni ekei aramas o fönöör, pwe repwe manauöch o föri ar angang pwe epwe wor liwinin aner mongö.

1. Samuel 8:9

Iei mine kopwe aüselinga alor. Nge eu chök, kopwe fokun fönöör o aiti ngeniir usun pwüngün wisen ewe king epwe nemeniir.”