Jeremaia 11:5 - Chuukese Bible

⁵ Mürin üpwe afisi ai pwon üa eäni fän akapel ngeni ämi kewe lewo, pwe üpwe ngeniir ewe fanü mi pwülüöch me fanüeräs, usun mine a fis ikenai.” Mürin üa pälüeni, “Epwe ina, ai Samol mi Lapalap.”

Jeremaia 11:5 Iomraidhean Croise

2. Kronika 6:17

Iei mine, ai Samol mi Lapalap, Koten Israel, kopwe apwönüetä om kapas ka eäni ngeni noum chon angang Tafit.

Kölfel 105:8

I a chechemeni an we pwon tori feilfeilachök, an we kapas a anüküchara ngeni engeröü täppin aramas.

Ekistos 13:5

Iwe, lupwen ewe Samol mi Lapalap epwe emwenikemiilong lon ewe fanüen chon Kanaan, chon Hit, chon Amor, chon Hiw me chon Jepus, ewe fanü i a pwon fän akapel ngeni ämi kewe lewo pwe epwe ngeniir, eu fanü mi pwülüöch me fanüeräs, oupwe föri ei angang iteiten ier lon ei chök maram.

Jeremaia 19:12

Iei usun mine üpwe föri ngeni ei leni, pwal ngeni chokewe mi imweimw lon. Üpwe föri pwe ei telinimw epwe usun chök Tofet.

Jeremaia 28:6

Iwe, üa üra, “Amen. Amwo ewe Samol mi Lapalap epwe föri iei usun. Amwo ewe Samol mi Lapalap epwe apwönüetä ekewe kapas ka osuni o aliwinato seni Papilon pisekin imwen ewe Samol mi Lapalap me ekewe chon oola meinisin.

Jeremaia 32:22

Ka ngeniir ei fanü ka fen pwon fän akapel, pwe kopwe ngeni ar kewe lewo, eu fanü mi pwülüöch o fanüeres.

Lifitikos 20:24

Nge üa pwon ngenikemi pwe üpwe ngenikemi fanüer pwe oupwe fanüeni, ewe fanü mi pwülüöch o fanüeräs. Ngang ewe Samol mi Lapalap ämi we Kot üa aimwükemiila seni chon ekewe mwü.

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

Tuteronomi 6:3

Iei mine ämi chon Israel oupwe aüseling ngeni ekewe allük o tümwünüöchü le apwönüretä, pwe oupwe feiöch o fokun chomongola, oupwe pwal nonomola lon ewe fanü mi pwülüöch o fanüeräs, usun ewe Samol mi Lapalap än ämi kewe lewo we Kot a pwon ngenikemi.