Jeremaia 11:23 - Chuukese Bible

²³ pwe esap chüen wor eman lusun me leir. Pun ngang üpwe awarato feiengau won ekewe re Anatot lon ewe ier üpwe apwüngüür.”

Jeremaia 11:23 Iomraidhean Croise

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 23:12

Iei mine ar kewe al ra fetal won repwe mitimit o rochopwak. Ngang üpwe föri pwe repwe chepetek o turula. Üpwe awarato wor feiengau lupwen fansoun üpwe apwüngüür. Ngang ewe Samol mi Lapalap üa kapas.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 46:21

Iwe, nöün kewe sounfiu a möniir ra usun chök nienifön kow mi öümanau. Nge pwal ir ra kul o süpöküla, resap üppos. Pun ränin ar feiengau a feitiu wor, ewe fansoun ar küna apwüng a war.

Jeremaia 48:44

Ätewe mi mochen sü seni ewe niuokus epwe turulong lon ewe pwang. Nge ätewe mi towu seni ewe pwang epwe tup lon ewe likatup. Pun ngang ewe Samol mi Lapalap üpwe awarato won Moap ewe fansoun an küna apwüng.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 5:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 6:9

Iei alon ewe Samol mi Unusen Manaman ngeniei, “Kopwe elimelimala ekewe lusun mi chüen nom me lon Israel, usun eman a kiniela ekewe lusun föün irän wain, kopwe küttasefäli uän palan, usun eman mi kini föün irän wain.”

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.

Opataia 1:18

Iwe, ekewe mwirimwirin Jakop repwe wewe ngeni eu ekkei, ekewe mwirimwirin Josef repwe wewe ngeni pulopulen ekkei, nge ekewe mwirimwirin Esau repwe wewe ngeni fetilipwas. Repwe arosala ekewe mwirimwirin Esau, pwe esap chüen wor eman epwe manau. Ngang ewe Samol mi Lapalap üa kapas.

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.

Lukas 19:44

Repwe unusen ataakola o niela ekewe aramas mi nonom lon tittum kewe. Esap wor eföü fau epwe chüen nom lon lenian, pun kosap mefi ewe fansoun lupwen Kot a feito pwe epwe amanauok.”