Jeremaia 11:19 - Chuukese Bible

¹⁹ Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 11:19 Iomraidhean Croise

Hiop 28:13

Aramas resap silei aüchean tipachem, esap wor eman a tongeni küna me lon fanüen ekewe mi manau.

Kölfel 109:13

Amwo mwirimwirin kana repwe mäla, nge iter epwe töttölüwu me lon aruuen täppin aramas.

Kölfel 112:6

Pun ewe chon pwüng epwe fokun tipepos. Aramas repwe chechemeni i tori feilfeilachök.

Kölfel 116:9

pwe üpwe fetal fän mesan lon fanüen chon manau.

Kölfel 142:5

Ai Samol mi Lapalap, üa siö ngonuk. Üa üra: En ai lenien op me ineti me lon fanüen chon manau.

Kölfel 27:13

Nge ngang üa lükü pwe ewe Samol mi Lapalap epwe kirikiröch ngeniei lon fansoun ai manau won fanüfan.

Kölfel 31:13

Ewer, üa rongorong pwe chomong ra möngününgün. Lupwen ra raweei usun ar repwe angei manauei, niuokus watte a nom pwelin ünüki.

Kölfel 35:15

Nge lupwen üa nom lon weires, ra mwicheto rei o takiriei, ra mwichefengen pwe repwe ü ngeniei. Chon ekis üsap sileer me mwan ra kapasingau usi, nge resap ükütiu.

Kölfel 52:5

Nge Kot epwe afeiengauok tori feilfeilachök, epwe turufuk o urusukowu seni imwom. Epwe üttukowu seni fanüen chon manau.

Kölfel 83:4

Ra apasa, “Ou etto, ousipwe aroserela pwe resap chüen eu mwü, esap pwal wor eman epwe chüen chechemeni Israel.”

Än Salomon Fos 10:7

Aramas ra chechemeni eman chon pwüng, pun i popun ar feiöch, nge repwe manlükala iten eman aramasangau.

Än Salomon Fos 24:15

Kosap operi imwen ewe chon pwüng usun eman aramasangau, kosap pwal tolong lon o angei pisekin fän pöchökül.

Än Salomon Fos 7:22

Iwe, ätei a müttir etala neminei pwe a usun chök eman ätemwänin kow mi feila ngeni ewe leni ia epwe ninnila ie, pwal usun eman chia epwe le fif lon ewe lenien likatup,

Aisea 32:7

Iwe, föförün eman chon atuputup a ngau, a chök ekiekietä mine a pwüngingau, pwe epwe afeiengaua chon wöüngau ren kapas chofana, inamwo ika a pwä än ewe chon osupwang pwüng.

Aisea 38:11

Iwe, üa apasa, lupwen üa samau, üsap chüen küna ewe Samol mi Lapalap lon fanüen chokewe mi manau, üsap pwal chüen küna eman aramas me lein chokewe mi nom won fanüfan.

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 26:8

Nge lupwen Jeremaia a wes le apasatä meinisin mine ewe Samol mi Lapalap a allük ngeni pwe epwe üreni ekewe aramas, mürin ekewe souasor me ekewe soufos pwal ekewe aramas meinisin ra turufi o apasa, “Kopwe fokun mäla.

Kölün kechü 3:60

Ka küna usun ar oputaei pwal usun ar rawangauaei.

Isikiel 32:24

Elam a pwal nom, nge nöün mwicheichen sounfiu ra kon ünükün peiasan. Ir meinisin ra mäla lon maun. Iwe, me lom ra afisätä niuokus won fanüen chon manau, nge iei ra feitiu leutun fanüfan, ir chokewe resap sirkomsais, ra pwal uwei ar itengau fiti chokewe ra fen nom lon ewe lenien sotup.

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Osea 9:8

Ewe soufos i ewe mi mamasa chon Israel, ekewe aramasen ai we Kot. Nge eseichin machang ra nom won an kewe al meinisin, a pwal küna koput me lon imwen an we Kot.

Numperis 1:14

Eliasaf nöün Teuel mwän seni ewe ainangen Kat,