Jeremaia 11:15 - Chuukese Bible

¹⁵ Ekewe aramas üa tongeer ra föri föför mi ngau. Fän meni pwüng ra nonom lon imwei mi pin? Ifa usun, ra ekieki pwe ar kapasen pwon me fituken ar kewe mönün asor repwe tongeni akulu seniir ar feiengau? Are epwe fis iei usun, repwe tongeni meseik.

Jeremaia 11:15 Iomraidhean Croise

Kölfel 50:16

Nge Kot a apasa ngeni ewe aramasangau, “Pwota ka tongeni leaweni ai kewe allük ika kapasen ai we pwon?

Kölfel 60:5

Kopwe awinakem ren om manaman o pälüeni äm iotek, pwe noum kewe ka echeniir repwe ngasala.

Än Salomon Fos 10:23

Eman chon tiparoch a pwapwa are a föri mine a mwäl, nge eman mwän mi weweöch a pwapwa ren an tipachem.

Än Salomon Fos 15:8

Ewe Samol mi Lapalap a oput än ekewe aramasangau asor, nge a pwapwa ren än ekewe chon wenechar iotek.

Än Salomon Fos 2:14

ra pwapwa le föri föför mi ngau o meseikeiti angangen likatuputup,

Än Salomon Fos 21:27

Ewe Samol mi Lapalap a oput än eman aramasangau asor, nge a lapala an oput, lupwen a uwato an asor fän iten och ekiek mi ngau.

Än Salomon Fos 26:18

Eman mi atupu chon arun, mürin a apasa pwe a chök urumot,

Än Salomon Fos 28:9

Are eman esap aleasochisi ekewe allük, Kot epwe oput an iotek.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 12:7

Iwe, ewe Samol mi Lapalap a üra, “Ngang üa likitala ekewe chon Israel o pöütala nei aramas. Üa asechala chokewe üa echeniir lepöün chon oputer.

Jeremaia 13:27

A küna om föför mi anioput ngeni. A küna om feila ren ekewe koten ekis won ekewe chukutekison, pwal lon ekewe mälämäl, usun eman mwän a mocheisou ngeni pwülüen chon arun, ika usun eman ätemwänin oris a mochenia ngeni eman liafefin. Feiengauom, en Jerusalem! Ifa ükükün fansoun om kopwe nom lon limengau?

Jeremaia 15:1

Mürin, ewe Samol mi Lapalap a üreniei, “Inamwo ika Moses me Samuel ra ütä mwei o tüngormau ngeniei fän iten ekei aramas, letipei esap kul ngeniir. Kopwe tinirela seni fän mesei o afeilaar.

Jeremaia 2:2

pwe üpwe feila o aronga ngeni chon Jerusalem alon, “Israel, üa chechemeni om angangöch ngeniei leföpwülum we, pwal om echeniei, lupwen sa kärän pwüpwülü. Üa chechemeni usun om etifeiliei lon ewe fanüapö, lon eu fanü esap wor eman a fofot ie.

Jeremaia 23:11

Iei alon ewe Samol mi Lapalap, “Ekewe soufos me souasor resap aleasochis ngeniei. Üa fen küna ar föföringau lon imwei imwenfel.

Jeremaia 3:14

Oupwe liwinto rei, ämi aramas mi kirikiringau, pun ngang echök üa nöünikemi. Üpwe angeikemi akaeman seni iteiten ekewe telinimw, nge akaruoman seni iteiten ekewe eterekes o emwenikemiilong lon Sion.

Jeremaia 3:8

Ra pwal küna pwe üa pöütala Israel, usun eman mwän a pöütala pwülüan. Üa tinirela pokiten ra kirikiringau ngeniei ren ar fel ngeni pwal ekoch kot. Nge ekewe chon Juta mi kirikiringau resap niuokus. Ra pwal föri ei sokun föför,

Osea 3:1

Iwe, ewe Samol mi Lapalap a üreniei, “Kopwe feila o tongesefäli pwülüom we, inamwo ika a lisowu ngeni eman nöün kamwet. Kopwe tongei usun chök ngang üa tongei ekewe aramasen Israel, inamwo ika ir ra kul ngeni pwal ekoch kot o efich ar eäni asor ngeniir föün wain mi apwas.”

Mateus 22:11

Nge lupwen ewe king a tolong lon ewe imw pwe epwe nengeni ekewe aramas ra feito, a küna eman mwän esap üföüf üföüfen ewe apwüpwülü.

Lukas 8:28

Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

Nöün Paulus Toropwe ngeni ekewe Souläng lon Rom 11:28

Iwe, pokiten ekewe chon Juta resap etiwa ewe Pworausen Manau, ir chon oput Kot fänäsengesin ämi chon lükün Israel. Nge pokiten Kot a filiiretä, ir ra chen me ren fänäsengesin ar kewe lewo.

1. Korint 13:6

Chen esap pwapwaäsini mine a ngau, nge a pwapwaäsini mine a let.

Titus 1:15

Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.

James 4:16

Nge iei oua lamalamtekia o sikesik. Ämi sikesik meinisin a ngau.