Jeremaia 11:12 - Chuukese Bible

¹² Mürin, ekewe chon Juta me chon Jerusalem repwe feila ren ekewe kot ra keni apach mi pwokus ngeniir o siö ngeniir. Nge ekewe kot resap tongeni amanaueer lon fansoun ar tolong lon feiengau.

Jeremaia 11:12 Iomraidhean Croise

2. Kronika 28:22

Nge lon an riaföü, ei king Ahas a fen alapala an tipis ngeni ewe Samol mi Lapalap.

Aisea 45:20

Ewe Samol mi Lapalap a apasa, “Oupwe feito o mwichefengen, oupwe arapeto, ämi mi chüen manau me lein chon ekewe mwü. Esap wor miritin chokewe ra feilfetal fän ar uluulun anümwäl mi fal o ikiotek ngeni eman kot esap tongeni amanaueer.

Aisea 46:7

Ra mwärei, ra uweela o anomu won lenian. Ikenan a ütä, nge esap tongeni mwökütüküt seni lenian. Iwe, are eman a siö ngeni, esap tongeni pälüeni, esap pwal tongeni amanaua seni an riaföü.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 2:28

Nge ikafa ir ämi kewe kot oua püsin föri fän itemi? Ir repwe feito o manauakemi lon fansoun ämi osukosuk are ra tongeni. Pun ükükün chomongun ämi kewe telinimw, iei ükükün chomongun ämi kewe kot, ämi chon Juta.”

Jeremaia 44:8

Pwota oua asongaei ren ämi fel ngeni ekewe uluulun anümwäl oua föriir, pwal ren ämi keni apach mi pwokus ngeni pwal ekoch kot me lon ewe fanü Isip, ewe ia oua feila ie pwe oupwe nonom? Ren ei oupwe püsin ärikemiila, nge chon ekewe mwü meinisin won fanüfan repwe turunufasekemi o leawenikemi lon ar ottek.

Tuteronomi 32:37

Mürin, ewe Samol mi Lapalap epwe aisiniir, ‘Ia ra nom ie ämi kewe kot, ewe achau oua op fan?

Tuteronomi 32:38

Oua aochocheer kirisin ämi kewe asor o aünü ngeniir wainin ämi asoren ün. Repwe feito o alisikemi, repwe pwal tümwünükemi.

Soukapwüng 10:14

Oupwe feila o siö ngeni ekewe kot oua filiretä. Ir repwe amanauakemi lon fansoun ämi riaföü.”